قطة فى عالم الذئاب

.اصبر بس هو كدة فيدرة بترسم القوة اقسم بالله لكن من جواها ابيض
فادى .هههههه
فى غرفة فيدرة بعد ان ابلغتها الدادة بانهم ينتظروها على الافطار ...
فيدرة .ماهو انا هشوفو هشوفو يبق انزل واعمل نفسى ولا يهمنى وجودة اصلا ولا يفرق معايا أيوة كانة مش موجود يارب قوينى مش عايزة اضعف يارب انت عالم يارب خليك معايا....
نزلت بعد تمهيد لمقابلة شقيقها
كان الجميع يترقب وجودها .واخيرا قربت إليهم
فيدرة بجمود .صباح الخير وجلست بجانب فدوة من الطرف الآخر .
رد الجميع .صباح النور
وبدا الجميع فى تناول طعامة فى صمت

وهى تعبث بالطعام وتشعر بالقلق
حاول عاصم كسر الصمت.
عاصم .ها هتعمل أية يا فادى مع أخواتك
وقف فادى وقرب إلى فيدرة واوقفها امامة وهى تنظر آلية بقوة
فادى .مش هتسلمى على اخوكى وتدينى فرصة
فيدرة بعناد .أنا ماليش اخوات عن اذنكم
صعدت غرفتها مرة أخرى وظلت تدور بالغرفة ......
فى الأسفل
شعر فادى بخيبة الامل
أوس . لسة بدرى ياصاحبى واحدة واحدة
عاصم .انت من يمة مش تفقد الامل
فدوة .وانا هفضل وراها اعتمد علية الزن على الودان أمر من السحر اسئالنى انا
فادى .هههههه ماشى ياست ريا ههههه
صعدت فدوة إلى شقيقتها ...
وجلس أوس مع والدة وفادى بالحديقة
عاصم . انا من رائى تنزل القاهرة اتكلم مع والدتك وعرفها أن أخواتك موجودين وهتقبل بيهم ولا أية عشان لم تطلب من أخواتك يعيشو معاك تكون مطمن
فادى .ماهو دى إللى هيحصل بس ليث عامل اية دلوقتي
عاصم .لسة نتيجة العملية ماظهرتش ربنا معاة
أوس. وفادى . يارب
فادى .قولى يا عم أوس ابدا مع فيدرة ازى واضح انها عنادية اوى انا مش قلقان من ماما انا قلقان من فيدرة مش ترضى تعيش معانا دبرنى اعمل أية
أوس لنفسة .انا لو عليا مش اخليها تسيب هنا انا ماصدقت لقيتها
فادى .أوس انتى يابنى
أوس . ها معاك مش خلاص فدوة سلطتها عليها خلاص اطمن البت فدوة دى اروبة هتجيب قرارها ماتخفش هههههه
فادى .اة منك مابخدش منك اى حلول تعرف من ساعة لم قابلت والدتهم وعرفت انهم كبار كدة بقيت اخاڤ عليهم بطلت سهر وشرب وبقيت اخاڤ اعمل اى حاجة غلط عشانهم حاسس انهم ملزومين منى وخاېف عليهم مش عايز اعمل حاجة تترد ليهم وحاسس بسعادة من ساعة ماشوفتهم حاسس ان حياتى اتغيرت بقى عندى حد ملزوم منى واخاڤ علية حاسس انى اب جديد بعيش احلى لحظات حياتى فى وجودهم نفسى بس

فيدرة تبطل مكابرة عنادية بس والله هتعرف انى بحبها وبتمناها تسامحنى وعمرى ماهبعد عنها ولا هتخلى عنها مهما حصل
أوس .واضح ان عندكم العناد وراثة باين ههههههه بس انا هشوف عناد مين هيفوز ويتغلب على التانى
فادى. هو احنا داخلين على ايام عنب أن شاء الله
أوس . بقول كدة بردو ربنا معاك هههههه
...... ..
ودع فادى الجميع وقرر أن يذهب ليتحدث مع والدتة فى حل يناسب جميع الأطراف..
......
يتبع
الفصل السادس عشر
قطة فى عالم الذئاب
فى القاهرة وبالتحديد فى فيلا البكرى
وصل فادى وقابل والدتة كانت تشعر بالقلق فمنذ أن رحل لم تعلم عنة شئ..
نجوى بقلق .حمدالله على السلامه يابنى بقى كدة يا فادى تسبنى يومين من غيرماطمن قلبى يابنى
فادى .حقك عليا ياست الكل المهم انا مبسوط وفرحان جدا أن وصلت لاخواتى وجاى مخصوص عشان اتكلم مع حضرتك فى موضوعهم
نجوى . اممم وشوفتهم فين بقى واتاكدت انهم فعلا أخواتك ولا حد غيرهم
فادى .لا طبعا هم اخواتى وكانو فى المزرعة عند عمى عاصم انا دلوقتي ارتحت
نجوى .كويس
فادى .ماما انا لم قولت هدور عليهم واجبهم يعيشو معايا مش كان كلام وخلاص ولو حضرتك رفضتى أسف مش هقدر اسيب اخواتى البنات يعيشو لوحدهم ولا يفضلو عند حد غريب
نجوى . مش خلاص كبرت عليا وقررت مستنى أية بقى
فادى .ماما انا لو فعلا كنت مقرر وهنفذ كنت ابسط حاجة عملتها جبتهم معايا لكن انا جاى اتكلم معاكى الاول واحاول اقنعك صدقينى هتحبيهم بلاش تبص عليهم على انهم بنات ضرتك فكرى انهم ايتام اب وام وحاولى تعوضيهم لو ماقدرتيش تحبيهم عامليهم كويس عشان خاطرى وخاطر بابا مش كنتى بتحبى بابا حاول تقربى من بناتة تعرفى الكبيرة شبة بابا نفس لون العين وطيبة اوى انما الصغيرة بقى مصېبة ډمها خفيف وشبهى كمان تصورى
نجوى . انت شبة ابوك بالظبط مع اختلاف لون العين بس أية المشكلة انها عنيها ملونة .
فادى . مش مشكلة انا فعلا شبة بابا انا بوصفلك اخواتى بس
نجوى .اول مرة اشوفك مبسوط كدة خلاص لو عايز تكسب رضايا انهم يعيشو معانا موافقة بس بشرط
فادى پصدمة .شرط موافق على حاجة المهم يكونو معايا ويتعاملو كويس
نجوى .تتجوز ديما
فادى. ههههههههه حضرتك لية مصرة تحوزينى وكمان تختارى الانسانة إللى هتجوزها لازم انا إللى اكون مرتاح لها ومعجب بيها على الأقل
نجوى .ديما بتحبك صدقنى وهتقدر تخليك تحبها وهتشكرنى على اختيارى انت دلوقتي مش بتحب حد ادى نفسك فرصة تقرب منها
فادى .دة شرط ولا أمر