قطة فى عالم الذئاب

من الدنيا لم اموت يابنى تخلى بالك من اخواتك وتاخدهم يعيشو معاك ماينفعش يعيشو بنات لوحدهم الدنيا مابقتش امان ودول بنات ولاية يابنى خلى بالك منهم عارفة انك جدع وهتعمل بالوصية دول لحمك بردو
هتف بجديه .اوعدك مش هسبهم ومن دلوقتى كمان
سمية باعتراض .لا يابنى طول ماانا عايشة هيفضلو معايا وفى البيت إللى اتربيت فية دة بيت ابويا لم سبنا الشقة جينا هنا عيشت وسط اهلى وناسى وانا عارفة ان رأس مال الشركة بتاع والدتك فارس قلى ان والدتك هى صاحبة رأس المال واحنا مالناش حق فى فلوسك دلوقتى بس حق اخواتك انك تخلى بالك منهم فارس الله يرحمة عامل مبلغ للبنات ف البنك بس لم يتمو 21 سنة هيكون من حقهم عايزة اقولك كمان ابوك لم اجوزنى عشان كان يقف جنبى ويحمينى من الناس بعد لم ابويا ماټ اصل ابويا كان سواق عند فارس ولم ماټ انا ماكنش ليا حد فى الدنيا بعد ربنا ابوك هو إللى وقف جنبى واجوزنى عشان كلام الناس وعشان يحمينى وكان بيحب والدتك اوى هى زعلت وحقها بس هى إللى كانت فى قلب فارس بس هى مقدرتش ان هو عمل كدة عشان انا امانة فى رقبتة المهم يابنى انا كمان هسيب الدنيا واخواتك امانة فى رقبتك حافظ عليهم يمكن تتعب مع فيدرة هى الكبيرة وشافت الهم بس جوها طيب اوى لكن فدوة انا واثقة انها هتقرب منك علطول خلى بالك من فيدرة اكتر عشان هى شافت المر بعد ۏفاة ابوك احتويها وخليها تحت جناحك هى محتجالك اوى لم تشوفها هتحس انك شايف ابوك فيها نفس العين والشكل

فادى بابتسامة .اطمنى اخواتى جوة عنية انا نفسى اشوفهم
سمية بابتسامه حانيه مرة تانية يابنى اتكلم مع والدتك الاول يمكن ماتقبلش باخواتك
فادى بثقه . لا اطمنى انا هتكلم مع ماما وانا واثق انها هتفرح بوجودهم
سمية بتعب .يارب يحنن قلبها عليهم يارب
غادر فادي منزل اشقاءة وتوجة إلى فيلاتة وطول الطريق يفكر ويتذكر كلام سمية ويلوم نفسة فهو لم يعرف ملامح شقيقتيه اذا رائهم بالصدقة لم يعرف انهم اشقاءة...
توجة فادى إلى منزلة وهو يشعر بالحزن وعندما وجد والدتة في انتظاره .
نظرت له بتمعن .مالك يا فادى شكلك متغير
هتف بضيق .ماما عايز اتكلم معاكى ومن فضلك تسمعينى من غير ماتزعلى
نجوى باهتمام .خير يا بنى فى اية
. انا كنت عند

مرات بابا الله يرحمة
نجوى بانفعال نعم مرات مين وأنت أية يوديك هناك اصلا ومن غير مااعرف خلاص عاوزة تاخدك لصفها زى ماخدت ابوك زمان
فادي بهدوء من فضلك تهدى ومن غير انفعال وحضرتك قولتى زمان يعنى موضوع وانتهى احنا فى دلوقتى وبعدين بابا اتوفى انا بس عايزك تسمعينى
نجوى بعصبية. أسمع أية أنت جاى بتكلمنى عن واحدة ابوك اتجوزها علية
يا ماما أرجوكى أسمعينى بابا كان موصينى عليها وعلى اخواتى وانا ماعرفتش اوصلهم لم سابو شقتهم انتى تعرفى هم حالتهم اية ولا الشقة إللى عايشين فيها بجد يصعبو عليكى وكمان هى تعبانة اوى وكمان كلمتنى عشان توصينى على اخواتى نفس وصية بابا وانا ماعرفتش اوصلهم قبل كدة بس دلوقتى عرفت مكانهم يبق لازم اقف جنبهم
نجوى ببرود . انا إللى طردتهم من الشقة إللى كانو عايشين فيها عشان دى بفلوسى انا وانت اياك تفكر تروحلها تانى وان كان على حالتهم نبعتلهم قرشين كل شهر وياريت تقفل على السيرة دى والا هتخسرنى انا كمان
فادى پصدمة نعم حضرتك اللي طردتيهم من بيتهم ازاى جالك قلب تعملى كدة فى ام وبناتها وبعدين دى كانت شقة بابا وباسمة
نجوى پحده .كل حاجة تخص ابوك تخصنى انا وبفلوسى انا وانت تختار بين امك ولا مرات ابوك
فادى پصدمة .انتى بتقولى اية
بعد انتهاء السباق أعلن عن الفائز 
ليث عاصم الملكى
هتف صديقه كريم بتهليل مبروك يا مان
ليث بغرور . كان عندك شك ولا اية
هتسهرنا على حسابك بقى
همس بجديه . اكيد بس اروح أخد شاور كدة عشان السهرة تحلي سلام يا كيمو 
بعد يوم شاق فى تصليح
السيارات أغلقت الورشة وتوجهت إلى منزلها
فتحت باب الشقة ثم دلفت لغرفة والدتها لتتفقد أحوالها وهي تسير علي اطراف اصابعها
همست بجانب والدتها سمسمة واحشتينى عاملة اية
سمية بابتسامه بشوشه تربت علي كتفها بحنان .بخير ياحببتى انتى عاملة اية أكيد تعبتى انهاردة
لا انا زى الفل فين البت فدوة
اتت شقيقتها وهي تهمس بمرح انا هنا حد بينادم علية هههههه اهلا الاسطى وصل وصل وصل
سمية بعتاب .عيب يافدوة تتكلمي مع اختك كده ويلا سخنى الاكل عشان اختك
فيدرة بابتسامه خفيفه .لا انا متعودة على لمضتها يا ماما
هتفت بحماس اشطة عليك يامعلم ثوانى والاكل يكون فى انتظارك بس عدي الجمايل بقى
شكرا ياختى
سمية بجديه اشارت الي ابنتها لتجلس جانبها اعلي الفراش 
فيدرة اقعدى جنبى عايزة اتكلم معاكى
فيدرة بانصات . خير يا سمسمة
ابتلعت ريقها بصعوبه ثم همست بتوتر 
.فادي أخوكى.
هتفت پغضب وهي تنهض