روان الحاكم

رشيت البرفان على لبسي كله وانا مبسوطه 
لسه جايباه جديد وريحته جذابه واللي على اخر الشارع هيشم ريحته رجعت الطرحه لروا وبينت نص شعري 
قصرت البلوزه شويه عشان ابين الحزام بتاع البنطلون 
بصيت لنفسي برضى اكيد الكل هينبهر بجمالي كالعاده
نزلت على السلم وقابلت عيال عمي 
نفخت بضيق وانا بستعد لاني اسمع محاضره ملهاش اول من اخر عن اللبس والاخلاق 
فاكرين نفسهم مشايخ وملايكه وهم اسوء مني بس بيظهروا نفسهم كدا اصلا مفيش حد كدا 
لقيت ياسمين بنت عمي بتسلم عليا
بصيت للبس اللي هي لابساه 
لابسه ملحفه زي الشوال عاملاها زي اللي عندها خمسين سنه 
بصيت لزين اخوها وهو نازل وغاضض بصره وماسك السبحه 

نفخت بضيق منه هو الوحيد اللي ف العيله عمره ما بصلي 
ولا حتى بيطيق يكلمني زي ما باقى ولاد عمي ما بيصدقوا لما اتكلم معاهم
اول ما شم ريحه البرفان بتاعي لقيته بصلي وشه احمر 
بدا يزعقلي ويعرفني ان اى حد هيشم يحتي هبقى زانيه 
زعلقي على لبسي وبعدين طلب مني بهدوء اني اغيره 
لما عندت معاه زعق فيا جامد 
طلعت غيرت هدومي وانا بشتم فيهم واحد واحد وبشتم حظي اللي خلاه هو ولي امري غيرت ب لبس احسن شويه بس برضو ضيق 
لقيته لسه واقف بصلي بعصبيه ونزل
لقيت ياسمين بتطلب مني اركب معاهم يوصلوني 
اعتذرت منها ببرود ومشيت وسبتهم
روحت الجامعه وحضرت نص المحاضره والدكتور ادى بريك ماصدقت وخرجت كنت ماشيه مخنوقه بسبب إن محدش من الشله جه النهارده
فجأه وانا ماشيه فى الجامعه لقيت بنت منتقبه ولابسه اسود ف اسود. حتى عيونها مش باينه اغمى عليها وهي لوحدها
اترددت اروحلها ولا لا عشان انا مبكرهش فى حياتي اد الناس المنتقبه والمتشدده اذا كنت بتخنق من لبس بنت عمري بالك دي حتى عنيها مش باينه! 
كان فيه شويه شباب رايحين ناحتها رحتلها بسرعه قبلهم 
ولما واحد منهم عرض انه يشيلها يوديها المستشفي لقتني رفضت بشده وقولت انا هفوقها ومشيتهم 
لقيت بنت تانيه جات علينا وطلبت مني نشيلها ونوديها جامع الكليه 
كنت متردده ف الاول الجامع اللي بعدى عليه كل يوم وعمري حتى ما فكرت اني ادخله! 
وهدخله ازاي بلبسي دا
لقيت البنت بتنادي عليا وبتطلب مني تاني اساعدها عشان ندخلها المسجد
وبالفعل شلناها ودخلنا المسجد
اول ما دخلت حسيت برهبه ودقات قلبي ذادت 
المكان فيه راحه رهبيه بس ف النفس الوقت مخيف بالنسبه لشخص زيي 
بصيت للبنات حواليا كانوا اغلبهم منتقبين وشويه مختمرين 
قاعدين بيضحكوا ويهزروا مع بعض ومنهم اللي بيصلي ومنهم اللي بيقرأ قران 
لما شافونا قاموا جرى ناحيتنا وبدأو يفوقوا ف البنت 
لحد ما فاقت 
لما فاقت اول حاجه نطقتها 
_مين اللي شالني وجابني هنا 
البنات ردوا عليها وشاورا عليا انا والبنت اللي كانت معايا 
فجأه لقيتها ملامحها ارتاحت وبدأت ټعيط وتقول الحمد لله 
مكنتش فاهمه هي بتقول الحمد لله على اى ولما سألتها ردت رد صدمني 
_عشان كنت خاېفه ليكون شاب هو اللي شالني وجابني 
رديت عليها بعصبيه من اوفرتها الذايده
_وفيها اى لما شاب يشيلك مهو انتي مغمى عليكي ودي حاجه ضروريه ولا حتى ف دي كمان انتوا متشددين 
إبتسمتلي بعد ما خدت نفسها وإتكلمت 
_مفيش اجمل من إن اول حد يشيلك يكون زوجك واول حد يمسك إيدك يكون زوجك عشان ببساطه هو الوحيد اللي ليه الحق إنه يلمسك 
عارفه إنك هتشوفي كلامي تشدد بس حقيقي مش هتعرفي معني شعوري دا غير لما تكوني مكاني
كلامها صدمني وهزني 
كانت بټعيط عشان خاېفه ليكون ولد هو اللي شالها وهي مغمي عليها ولا عايزه حتى حد يمسك ايدها 
وانا بهزر مع ولاد خالتي بالايد عادي وبسلم على اى حد ب إيدي 
لما جيت عشان اخرج بعد ما اطمنت عليها لقيتها بتقولي استني الضهر باقى عليه خمس دقايق ويأذن استني لما نصلي جماعه اتحججت ب إنه مينفعش اصلي ب لبسي قالتلي إنه فيه إسدال هنا اقدر اصلي بيه
حاولت اهرب بس معرفتش حاولت اعترض واقولها لا مقدرتش اتكلم 
قعدت معاهم وانا مغصوبه وللغريب لقيتهم بيضحكوا ويهزروا عادي وزينا بس من غير ما يجيبوا سيره حد. 
ضحك حلال زي ما بيقولوا 
يعني مش لازم عشان اضحك واهزر اغضب ربنا! 
والبنت اللي كان مغمى عليها قاعده بتهزر وبتحكي مواقف ليها بالنقاب مضحكه بعد ما عرفتني عليه اسمها حور وكل واحده فيهم عرفتني إسمها إندمجت معاهم وبدأت أضحك زيهم 
دول طلعوا غير ما انا كنت فاكره 
الضهر اذن وحور بدأت تصلي بينا جماعه 
اتوضيت ولبست الاسدال وبدأت صلاه معاهم 
بلاقي سنين مصلتش 
كانت الصلاه تقيله على قلبي فى الاول بس بعدها بدأت احس براحه 
حسيت براحه عمري ما حسيت بيها شعور غريب بس جميل لما سجدت مكنتش عارفه اقول اى 
فجأه لقيتني بدمع وانا بقول يارب اهديني يارب اهديني
لدرجه صوت شهقاتي كان عالي 
خلصنا صلاه ولقتيهم بداو يقولوا اذكار الصلاه 
عملت زيهم وبعدين لقيت حوار بتقول بما إننا خلصنا محاضرات كل واحده هتحكي قصه لنبي او صحابي هي بتحبه 
لقيتهم فرحوا واتحمسوا واتضح ليا إن كلهم شله صحاب مع بعض وعلى طول بيعملوا كدا وكل واحده بدأت تحكي 
كنت مبسوطه معاهم اوي ومش عايزه الوقت يخلص نسيت نفسي ونسيت كل حاجه وانا معاهم 
لحد ما جه الدور عليا اني احكي 
اتوترت واتكسفت انا يادوب عارفه بعض اسامي الانبياء بالعافيه 
قولتلهم اني مصدعه ومش قادره اقول دلوقتي 
لقيت حور بتقولي اني اجهز المره الجايه عشان انا اللي هحكي وطلبوا رقمي وإني اكون صاحبتهم وإنهم حبوني
المره الجايه هو انا هاجي هنا تاني 
لقيت صوت جوايا بيقولي وليه لأ انت كنت مبسوطه وانت معاهم 
صوت تاني بيرد ويقولي إني مش شبهم وانا حاجه وهم حاجه ولو صاحبتهم هيخلوني زيهم وانا مش عايزه اكون زيهم 
لحظه وانا ليه مش عايزه اكون زيهم 
يمكن لان دا هيخليني امنع اللبس بتاعي واللي بيخليني جميله والناس تعجب بيا 
يمكن عشان لو لبست زيهم كدا محدش هيشوف جمالي. هدفن نفسي 
اصوات كتير جوايا اللي بيقولي اجرب اكون زيهم واللي بيقولي ابعد عنهم واخليني زي ما انا 
بعد مناهده كبيره مع نفسي ادتهم رقمي وخدت ارقامهم 
ومشيت وركبت عشان اروح
كنت شويه اكون مبسوطه لما افتكر ضحكهم وهزارهم وشويه اتخنق لما افتكر إنا اى وهم اى 
طلعت الهاند فرى عشان اشغل اغاني زي ما انا متعوده 
وشغلت الاغنيه اللي بحبها 
بس حستني مش عايزه اسمع ومخنوقه منها 
طفتها ورجعته تاني ف الشنطه 
لقيت خاتم التسبيح اللي ادتهوني حور 
طلعته وبدأت اسبح بيه 
واحده واحده لقتني ببتسم 
طلع حلو اوي رغم اني مكنتش بحبه ولا عمري لبسته
لحد ما وصلت 
جيت اطلع لقيت عمر إبن خالتي اللي كان مسافر من سنين رجع 
مكنتش مصدقه نفسي جريت  
_حيااااااه
فجأه لقيت زين إبن عمى بيشد عمر جامد وهو بيزعق ب إسمي 
بصيت
له وقلبي وقع 
كان بيبصلي وعيونه بتطلع شرار ووشه احمر 
وفجأه.... يتبع
زين بعصبيهإنت ازاي تسمحي لنفسك إنك تحضنيه بالشكل دا 
حاولت اتلاشى خۏفي منه ورديت بنبره حاولت اخليها هاديه 
_وفيها اى يعني دا عمر ابن خالتي ومتربيين سوا 
إتكلم عمر وهو بيحاول يهدي الموقف 
_إهدى يا زين محصلش حاجه لكل دا روان تبقى اخ
_هتقولي زي اختي والكلام دا برضو ميدلكش الحق انك  
وانت اطلعي فوق يلا 
_انت ازاي بتزعقلي كد.. 
_روااان
قولت اطلعي حالا وإلا قسما بربي مش ضامن رد فعلي هتكون اى 
خۏفت لا إترعبت بمعني اصح وسمعت كلامه وطلعت 
انا اصلا اوامر ماشيه على الارض 
زين دا كائن غريب 
بعدها بشويه عمر طلع 
اول ما شافني إنفجرنا ضحك
إتكلم وهو بيحاول ياخد نفسه 
_لسه برضو مصره متقوليش ليه إننا إخوات فى الرضاعه 
عدى وقت كتير اوي وانت برضو لسه بتفكير الاطفال بتاعك اموت وافهم انت مش عايزه تعرفيه ليه 
_لما كنا صغيرين كنت متعلقه ب زين وبحبه اكتر من اى حد وبحب حبه ليا 
ويمكن دي حاجه هتستغربها بس للغريب اني كنت بحب تملكه ليا لما كنا نلعب سوا كنت بكون مبسوطه اوي لما يمسكك يعجنك ضړب ويهزقني عشان بس بلعب معاك
_تصدقي انك مهزأه بصحيح كنتي بتفرحي فيا لما هولاكو دا بياكلني ضړب وتصري برضو مقولش ليه انك اختي 
_اللاه ياعمر فيها اى لما ټضرب عشان اختك 
_طب يستي وانتوا صغيرين عرفت انت مكنتيش عايزاه يعرف ليه طب ودلوقتي 
إتوترت ومعرفتش اقوله اى
_ددلوقتي اى! 
_مش عايزاه يعرف ليه دلوقتي إننا اخوات 
_مش عارفه يا عمر يمكن كنت عايزه اشوف رد فعله 
كنت عايزه اشوف زين بتاع زمان اللي انا افتقدته 
_انت بتحبي زين يا حياه 
رديت عليه پصدمه
_اييه لا طبعاا مستحيل احبه او افكر فيه وهو بالشكل دا 
زين مبقاش زي زمان بقى واحد معقد ومتشدد وكل حاجه عنده قال الله وقال الرسول 
عايزني اخد واحد زيه عشان يكرهني فى حياتي 
_يابنتي زين مش كدا هو عشان بعد عندك ومبقاش يكلمك ولا ياخدك معاه عشان كبرتي يبقى وحش 
زين بيحافظ عليكي رغم انك لحمه ودمه لكن بيحافظ عليكي من نفسه حتى 
زين بيح... 
عمر ياحبيبي انت هنا
دخلت ماما وهي بتحضنه وبتعيط 
عمر إبنها اللي مخلفتوش 
طول عمرها بتعتبره زيي بالظبط ويمكن اكتر
اكتر واحده إتاثرت زيي لما سافر 
بقاله عشر سنين واخيرا رجع وبعد شويه كلام وترحيب قامت تجهز الغدا ليه
اتكلمت وانا مبسوطه
_هات حضڼ بقى عشان ملحقتش احضنك بضمير تحت 
قربت عشان احضنه لقيته زاحني 
_لا يستي انا مش مستغني عن نفسي انت عايزه زين ېقتلني المرادي 
انت مشوفتيش زغرلي ازاي بعد ما طلعتي لولا انه عمره ما مد ايده على حد وزين ميعملهاش كان ضړبني 
_واى يعني لما ټضرب عشاني استاهل انا ولا ماستهلش
_تستاهلي يستي بس قوليلي ناويه تطولي فى اللعبه لحد امتى انا مش مستغني عن روحي 
إبتسمت بخبث وانا فى دماغي قاعد إبليس بنفسه بيهديني 
يبختك المايل يازين يابن ام زين إن ما جننتك مبقاش انا
_كل خير ناويه على كل خيري 
بعد ما قعدت مع عمر شويه مشي دخلت اوضتي 
لقيت حور بترن عليا إستغربت هي بترن ليه دلوقتي 
رديت عليها
_هاى حور ازيك
_السلام عليكم ورحمة الله وبركاته
ررديت عليها السلام بضيق شويه 
_ازيك يا روان عساكي بخير ان شاء الله 
_ايوه زي الفل 
_طب الحمد لله انا كنت بس برن عليكي عشان اذكرك بصلاه العصر
رديت عليها بحرج وانا بقولها اني هروح اصلي 
وقفلت معاها 
قعدت متردده مش عارفه اصلي ولا لا 
قولت ف نفسي هبدا صلاه من بكره وبعدين صوت جوايا بيقولي لا صلي دلوقتي
خدت القرار اني هبدا صلاه من بكره 
مسكت الفون العب فيه عشان مفكرش فى موضوع الصلاه وانا حاسه پخنقه 
لقيت الباب بيخبط ودخلت ياسمين بنت عمي 
نفخت بضيق ودخلتها 
إتكلمت بمرح
_انا لقتني ياستي زهقانه ومخنوقه وقولت اجي اقعد معاكي وجبت شويه تسالي وقولت الحقك عشان نصلي العصر سوا 
_طب صلي انت وانا هبقى اصلي بعدين
_ونضيع اجر الجماعه 
بعد إصرارها قومت صليت 
من جوايا كنت فرحانه عشان صليت اينعم الصلاه كانت تقيله عليا بس لما إندمجت حسيت بخشوع 
حسيت براحه كبيره اوي 
راحه محستش بيها من لما بابا اتوفى
خلصنا صلاه وقعدنا 
_انا عارفه انك مش بتحبيني ولا انا ولا زين 
بس اى رأيك