روان الحاكم

نكون صحاب صدقيني انا بحبك جدا ياروان حتى لو انت مش بتحبيني وكمان مش عندي صحاب 
تقبلي نكون صحاب ونحكي لبعض كل حاجه 
مدت إيدها ليا مكنتش عارفه اقولها اى 
انا مش بكرها هي بس بكرها شخصيتها واسلوبها 
رغم إن الكل بيحبها وشايفينها احلى مني 
لما إتاخرت ومردتش عليها لقتيها سحبت ايدها ب إحراج 
ولمعه حزن شوفتها ف عيونها 
إتكلمت وهي بتعتذر وجات عشان تقوم 
شدتها وحضنتها وإتكلمت وانا بعيط
_عارفه لو مكنتش جيتي مكنتش هصلي رغم اني كنت عايزه بس مش قادره 
انا مش وحشه يا ياسمين زي ما الكل فاكر 
انا بس مش عايزه اكون زيكم وادفن نفسي انا عايزه اعيش سني واخرج والبس براحتي 
خدتني ف حضنها وهي فرحانه وبتعيط
_اخيرا يا روان بقالنا كتير اوي وانت مش بترضي تتكلمي معايا وبعدين مين قالك إنك كدا بټدفني نفسك بالعكس مفيش احلى من لذه القرب من ربنا انت بس بتسمعي لشيطانك هتتغيري وتكوني احسن مني كمان ونمشي خطوه خطوه 
إبتسمت ليها براحه وبعدين فضلنا نتكلم ونهزر شويه 
وهي مشيت وسابتني بعد ما إتفقت معايا انها هتجيلي على طول 
عند زين 
_ها يا ياسمين كلمتيها 
_هتديني كام وانا اقولك 
_ماتخلصي يابت بقى وتبطلي رخامه 
_خلاص ياعم متزقش كدا اهل الحب صحيح مساكين 
_كدا طب تعالي بقى 
_خلاص ياعم متزقش كدا هحكيلك 
وحكت ليه كل اللي حصل
_يارب يا ياسمين ربنا يجعل هدايتها على إيدك 
_انا نفسي افهم طالما بتحبها اوي كدا ما تتقدملها وتريح نفسك وبعدين ابقى شجعها انت ع الالتزام
_ياريت كان ينفع يا ياسمين بس هى روان مش بطيقني
وبعدين انت عارفه السبب التاني 
_طب ما انت بتعاملها بجفاء اوي وعارف ان روان الاسلوب دا مينفعش معاها وهي كانت متعوده عليك انت بالذات اكتر واحد حنين عليها
_انت يا ياسمين اللي بتقولي الكلام دا وعارفه اني ميفعش اتكلم معاها غير بحدود ولازم احافظ عليها حتى من نفسي 
_ربنا يريح قلبك ياحبيبي انا عارفه انه مينفعش بس عشان انت صعبان عليا 
_ادعيلي انت بس 
_ربنا يجمعك بيها على خير يارب 
صحيت من النوم على نغمه الفون وانا مستغربه مين اللي هيرن دلوقتي بصيت لقتيها حور 
قفلت الفون وكملت نوم او حاولت اكمل 
اكيد بترن عشان تصحيني للفجر 
قولت ف نفسي هبقى اصليه لما اصحى وضيعت على نفسها نعمه صلاه الفجر زي ما بنات كتير بتعمل دلوقتي 
عند زين صحي اول واحد بعد ما كان ظابط
المنبه 
راح يصحي ياسمين اخته لقاها صاحيه كانت بتصلي القيام وقاعده بتقرأ قرآن
حضنها وباس راسها وخرج يصحي امه وابوه 
ونزل المسجد عشان يصلي بالناس جماعه 
وبعد ما خلص فضل قاعد فى المسجد شويه يقرأ قرآن 
وبعدها قام روح 
صحيت روان الصبح متأخر لبست بسرعه ولكن طبعا لازم تظبط الميك اب بتاعها الاول ونزلت جرى عشان تلحق محاضراتها بعد ما إطمنت إن شكلها كويس 
حمدت ربنا انها متأخره وزين مشفهاش 
إستغربت انه مشي من غير ما يشوفها ويزعقلها على لبسها 
وصلت الجامعه ودخلت المحاضره وهي بتنهج 
وقعدت جنب صحابها وسمعت منهم إن فيه دكتور جديد هو اللي هيديهم 
_السلام عليكم ورحمة الله وبركاته 
اهلا يا شباب انا الدكتور الجديد اللي هيديكم بدل دكتور حازم عشان مسافر 
روان پصدمه
_زيييين!!!! دا باينه هيبقى مرار طاااافح
_زييين دا باينه هيبقى مرار طافح 
لقيته بيبصلي بشړ ووشه احمر وبدا يقرب مني 
_يالهوي يالهوي جاى عليا هيموتني هيموتني 
حاولت انزل تحت البينج وانا بحاول افتكر هبتت اى عشان يتعصب ويحمر بالشكل دا 
وقف قصاد البينج بتاعي وبيبص للي قاعد جنبي
بصيت لقيته ولد 
_ياوقعتك المهببه ياروان حاولت انزل تحت البينج اكتر وانا ببعد عنه قدر إلامكان وعايزه الارض تنشق وتبلعني 
رجع مكانه وهو بيتكلم بصوت إلى حد ما حاول يخليه هادى 
_اولا انا دكتور زين هديكم ماده دكتور حازم 
ثانيا اهم حاجه عندي الالتزام اللي مش هيلتزم ميحضريلش ومش هاخد غياب 
ثالثا ودا الاهم مش عايز اشوف ولد قاعد جنب بنت 
هتنقسموا صفين البينچ الاول والاخير بنات 
والاتنين اللي ف النص هيكونوا ولاد مش عايز البنات تكون قصادي 
لقيت بنت وقفت إتكلمت بدلع وهي بتعدل خصلت شعرها اللي طالعه من الحجاب 
_سوري يا دكتور بس دا شغل حضانه واظن ان احنا كبرنا على الجو دا 
_مش معني انكو كبرتوا يبقى تنسوا اللي اتربيتوا عليه 
اغلبكم من قرى وارياف ومنموع عندكم الاختلاط والكلام بيكون بحدود لكن مجرد ما البنت تخرج من بيتها وتيجي هنا تنسى كل اللي هى اتربت عليها لمجرد إن محدش من اهلها شايفاها ونسيت إن ربنا مطلع عليها وعلى افعالها 
انا هنا اخوكم الكبير وهحافظ علي كل واحده فيكم كأنها اختى 
الشباب يكلموني فى اى وقت عادي وتعتبروني اخوكم 
لكن البنات ممنوع الكلام معايا إلا فى حاله الضروري وبحدود
وفى محاضرتي مش عايز اى إختلاط 
اتمني اكون شخص خفيف عليكم وتفهموا منى 
ودلوقتي إتفضلوا يلا اتقسموا زي ما قولت 
الكل بدا يقوم فيه اللي كان فرحان وشايف انها خطوه كويسه وفيه اللي كان مدايق وشايف إنه مأفور وملوش الحق يعمل كدا ولكن طبعا محدش يقدر يعترض 
بعد ما المكان اتظبط وكل واحد قعد مكانه زين بدا يشرح 
مكنتش مركزه فى ولا حرف من اللي هو قاله 
فكره وجوده ف نفس المكان بيوترني 
كنت مخنوقه يعني انا مابصدق اخرج من البيت واكون على راحتي يقوم ياجيلي هنا 
المحاضره خلصت 
اول ما جيت عشان اخرج زين وقفني 
إتكلم وهو بيجز على اسنانه وبيضغط على ايده 
_قسما بالله يا روان لو لمحتك قاعده جنب ولاد تاني او حتى قريبه من البينج بتاعهم متلوميش غير نفسك 
_ولو قعدت هتعمل اى 
_يبقي تنسي إنك تروحي جامعتك او تشوفي الشارع حتى
وطلع وسابني 
بدأت اشك إن زين دا محتاج مصحه 
ازاي شخص زيه يكون هادي جدا ومسالم ومش من طبعه العصبيه 
لكن معايا انا بيتحول شخص تاني معرفوش 
كل يوم بيخليني اكرهه اكتر 
خرجت وانا مخنوقه وطلعت اتمشي شويه لوحدي 
لقيت تلفوني بيرن وكانت حور 
مردتش عليها 
مكنتش ناقصاها هي كمان 
الاتصال وقف وبعدين رن تاني 
نفخت بضيق وقفلت تلفوني خالص 
مكنتش فى مزاج يسمحلي إني اتكلم مع حد 
روحت قعدت تحت شجره سندت دماغي وانا بتنهد 
غمضت عيوني وانا بحاول انسي اى حاجه مدايقاني
_روان ياروااان 
_هاا ياسمين بتعملي اى هنا 
_كنت فى المكتبه بجيب حاجات وبعدين لقيتك قاعده هنا مالك شكلك زعلان ليه
_لا ابدا مفيش حاجه انا بس كنت زهقانه شويه 
_طب اى رأيك تيجي معايا المسجد وهعرفك على صحابي هتجبيهم اووي وكمان فيه درس ديني هنحضره 
_معلش يا ياسمين انا مش فى مزاج لطيف اني احضر 
_إنسي مش هسيبك تقعدي لوحدك زعلانه هتيجي يعني هتيجي 
شدتني بالعافيه وخدتني معاها 
للحظه فرحت انها أخدتني ومسبتنيش لوحدي
دخلنا المسجد وكان اغلب اللي هناك بنات انا شوفتهم من المره اللي فاتت 
كانوا قاعدين فى نظام دايره وحور قاعده فى النص 
دخلت ياسمين بعد ما رمت السلام وهي بتعتذر عن التأخير بعد ما سلمت على الكل 
بصيت لحور وانا بسألها بعد ما سلمت عليها
_مسألتنيش يعني مردتيش عليكي لما رنيتي ليه 
_لاني ببساطه مش بحد اسأل حد لانه ممكن يضطر انه يكدب عشان ميزعلش اللي قدامه
الحقيقة ان احيانا بتيجي على الإنسان لحظات نفسية بيكون ملوش رغبة للرد على أي إتصال مش كراهية بالمتصل لا لأن حالته النفسية متسمحلوش بدا 
عليك أن تتذكر قول الله عزوجل ..
وإن قيل لكم ارجعوا فارجعوا سورة النور
وليس من الأدب أن تعيد الإتصال بشخص لم يرد عليك بعد المكالمة الأولى أو الثانية أو الثالثة بحد أقصى. 
قال ﷺ الاستئذان ثلاثا فإن أذن لك وإلا فارجع.
أحسنوا الظن دائما
سكت مكنتش عارفه اقول اى 
هي بالفعل لو سألتني كنت هكدب واقول مشوفتوش 
لقيت حور إبتسملتي زي ما تكون عارفه اللي انا بفكر فيه وقاصده توصلي رساله 
وبدأت الدرس 
_هنكمل بقى الدرس بتاعنا النهارده وهو عن اللبس 
ودي اكتر حاجه ممكن تجلب للبنت ذنوب 
إنت متخيله ان طول ما انتي ماشيه بتاخدي فى ذنوب بس! كل ولد بيبصلك انتي بتاخدي ذنبه صحيح هو بيتحاسب على غص بصره بس انتي كمان هتتحاسبي على عدم سترك لجسمك 
هييجي يوم القيامه واحد انتي عمرك ما شوفتيه اصلا جاى ينقض منك هتقوليله يارب بس انا عمري ما شوفته هيقولك بس انا شوفتك يوم كذا وكنتي لابسه كذا وافتتنت بيكي 
متخيله بقى كام واحد بيشوفك وكام واحد بيبصلك ف اليوم بس 
يعني تكوني رايحه مشوارك او جامعتك وانتي بتاخدي ف ذنوب بس لمجرد انك ماشيه وعارضه جسمك 
لو سيدنا محمد شاف بنات امة دلوقتي باللبس دا هيكون اى رد فعله
انتي متخيله إنك حفيده عائشه وخديجه
وانتي لابسه ايشرب مبين نص شعرك بس اسمها محجبه 
انا عارفه ان كلامي صعب وتقيل عليكم بس عشان انا خاېفه عليكم يابنات انا فى يوم من الايام كنت زيكم واكتر
ولكن الله هداني وتاب عليا وبعتني ليكم لعلى اكون سبب هدايه حد فيكم بعد ربنا سبحانه وتعالي 
كل اللي عايزه اوصله ليكم إن الجنه تستاهل 
تستاهل إنك تضحى بلبسك وشياكتك 
طبيعي اننا كلنا ك بنات بنحب نهتم ب نفسنا وشكلنا ونكون حلوين والناس تعجب بينا 
بس جمالك دا محدش يستحق يشوفه غير اللي يستحقه 
انت جميله ولازم تحافظي

على جمالك 
يلا يابنات غيروا من نفسكم وابداو صفحه جديده مع ربنا 
بلاش الشيطان يضحك عليكي ويقنعك انك لسه صغيره المۏت مش بيستنى حد 
بلاش تخسروا الجنه عشان شويه لبس 
الجنه تستاهل اننا نضحى عشانها 
الجنه اللي فيها مالا عين رأت ولا أذن سمعت ولا خطړ على قلب بشړ 
الجنه اللي فيها الرسول والصحابه 
الجنه اللي هنشوف فيها ربنا 
انتوا مستوعبين الجمال اللي هنكون فيه
هنكون ف الجنه ومش عايزين حاجه غير ننعم عنينا برؤيه الله عز وجل 
يااالله
فى الجنه هنقول ياليتنا لم نعص الله قط 
هنندم على كل لحظه عدت من غير ما نقرب فيها من ربنا 
هنندم على كل بنطلون لبساه 
هتندمي على كل خصله بانت من شعرك 
مستنين اى يلا كل واحده فيكم تعزم فى نيتها انها هتتغير 
روحي افتحي دولابك وشوفي اللبس بتاعك يرضى ربنا ولا لا اللبس بتاعك يليق انك تكوني حفيده عائشه وخديجه ولا لا 
مش حابه اطول عليكم اكتر من كدا 
بس ارجوكم يا بنات تفوقوا من الغفله اللي انتوا فيها وتلحقوا نفسكم قبل فوات الاوان
هداني الله واياكم
كانت بتتكلم وهي بټعيط وكل حرف قالته كان بيخلى جسمي يقشعر 
حسيت نفسي رخيصه اوي وحور معاها حق فى كل كلمه قالتها 
انا هتغير فعلا بس ياترى هقدر 
هجرب 
لقيت حور جايه عليا وبتحضني وبتشكرني وفرحانه اني جيت 
وسلمت على ياسمين وطلعوا صحاب 
مهو اكيد اللي زي ياسمين مش هتصاحب غير ناس زيها
وبعد ما قعدنا شويه مع بعض كلنا روحنا
عند زين 
بعد ما خلص محاضراته روح 
بعد ما اتنقل جامعه روان 
مكنتش عايز يروح مش عايز طول الوقت تفضل تحت عنيه 
كدا الموضوع هيكون صعب 
هو بيحاول ويجاهد نفسه يغض بصره عنها ويكون هادى
لكن تصرفاتها بتخليه يخرج عن شعوره 
هى الوحيده اللي بتخرج اسوا مافيه
يمكن اكتر حاجه تعباه انه عارف انه مينفعش يفكر فيها 
كان ڠصب عنه 
هو كبر وروان قدامه وتحت عنيه 
من