وصفولى الصبر ل نداء على
ابدا انا اللي بقيت مچنون بحبك سؤال سولي عن حبك لعمر بقالي سنين بتجاهله مبحاولش افكر في اي شيء يخصك مع عمر وعارف ان انا السبب واني سبتك تتجوزيه بس حتي لو الزمن رجع بينا تاني هعمل نفس الشيء بدون تردد لان ده قدري وهفضل طول عمري اتعذب زي ما انا متعذب دلوقتي
لم تجد ما تقوله ولم يستطع هو ان يستمر بالكلام لتنام هي بين يديه
في كندا انهي نديم دراسته بأحدي الجامعات العريقه بكندا والتي رحبت بوجوده باعتباره من الحالات القليله التي تعود للحياه بعد فتره طويله من الدخول بغيبوبه وتم عمل اختبارات له لتحديد مستواه وقد استعد هو جيدا بمساعدة والديه لتلك الاختبارات تعرف نديم علي بعض الزملاء الا انه لم يكون صداقات قوية تعرف علي بعض الفتيات ربما قام ببعض الحماقات التي تخالف طبيعته ولكنه يري ان من حقه ان يعوض مافاته من سنوات
نديم الو نداء حبيبتي وحشتيني
نداء انت وحشني اكتر يانديم ومحتاجه وجودك
نديم بقلق في حاجه مضايقاكي
نداء لا بس الحمل والاولاد وبعدين في مشكله اني احتاجلك
نديم بمحبة انتي تطلبي اي شيء في وقت وانا انفذ
نداء اوك تعالي يانديم نفسي اشوفك بقي
نديم انتي كمان وحشتيني يا دانا وجيلك الاسبوع الجاي ليلتفت الي والده يتحدث بمرح
عمار بسعادة لا الحمد لله عمل كتير ولو جوزناك مصرية هتتعلم في فتره وجيزه شرد نديم قليلا ثم اجاب والده
نديم اوك شوفلي حضرتك عروسة زي نودي وانا اتجوز علطوووول
عمار مع ان مفيش زي نودي بس هحاول
مر الاسبوع واستعد نديم للسفر
وانتظرت نداء ذلك اللقاء بعيون لم تذق طعم النوم وعقل لا يتوقف عن التفكير وقلب يتلهف لرؤية اخيها الوحيد
جاءت لحظة المواجهة التي تأجلت لسنوات بين نداء ونديم فماذا سيحدث
بسم الله العلي العظيم
الفصل الثاني
سليم قاعد في الشركة حاسس بالملل محتاج حبيبته محتاج وجود مهاب اللي انشغل بحياته مع زينه واولاده محتاج لوالدته اللي كل وقتها مع سليم ليسمع طرقات عالباب تعلن عن وصول احد ما
سليم ادخل
السكرتيرة حضرتك مدام ناريمان العزبي برة وطالبه تقابل حضرتك
سليم بضيق وملل خليها تتفضل نشوف عايزة ايه
ناريمان قبل اي شيء اسفه اني جيت من غير ميعاد سابق بس خفت حضرتك ترفض مقابلتي
سليم خير حضرتك في حاجه مهمه
ناريمان اولا انا اسفه بعتذر عن اللي حصل مني انا ودنيا بس اعتقد الموضوع انتهي ووالدي اعتذر منك كتير غير كده دكتور مهاب اهاني انا واختي قدام الشركة كلها وفسخ خطوبيته بدنيا
سليم الموضوع مستحيل ينتهي لانكم اتسببتو في اذية مراتي حبيبتي وام اولادي وبالنسبه لمهاب فهو في كل الحلات كان هينفصل عن دكتورة دنيا
ناريمان شكلي فعلا جيت عالفاضي بس احب اقولك ان السبب الرئيسي للي حصل هو مهاب لانه خطب اختي وهو معجب بواحدة غيرها اعتقد انك مترضاش لاختك موقف زي ده وبالنسبة لمدام نداء فاكيد مكناش نقصد الامور توصل لكده بينا
انا كنت جايه وعندي امل انك توافق تكون شركتكم مسؤوله عن المسائل القانونيه بالمستشفي بابا صحيا تعبان اوي ودنيا اتجوزت وسافرت وانا مش بثق في حد غيرك ولو تحب انا مستعدة اعتذر لمدام نداء شخصيا
سليم وقد شعر بالحرج منها ومن والدها فهو دائما ما يتحدث معه في نفس الموضوع
سليم مفيش داعي انا موافق لان دكتور عبدالرحمن انسان محترم وله مكانه كبيرة عندي
ناريمان بفرحه قوية وهي تمد يدها لمصافحته متشكره اوووي يادكتور بجد حضرتك رائع
غادرت ناريمان وشعر سليم بانه اخطأ وبشدة فلم يضع في حسبانه رأي نداء وردة فعلها
بعد قليل جاءه اتصال من نداءه
نداء وحشتني
سليم اممم مش مصدق
نداء لا مصدقني طبعا وواثق ومتأكد انك وحشني وانت قصاد عيني وشاغلني وانت بعيد
سليم ضاحكا ماشي يا ست سومة بس بردة بحب اسمعها علطول
نداء ينفع تيجي بدري لان نديم هيوصل النهاردة وانا محتاجه وجودك معايا
سليم ان شاء الله اعتبريني عندك نص ساعه ياحبيبي
نداء ان شاء الله خلي بالك من نفسك
توجه سليم الي بيته متناسيا ناريمان وماحدث
وصل الي بيته ليجد سليم يجلس بهدوء كعادته بجانب جدته واخويه التؤام يتشاجران ليلتفت الجميع الي صوته الحنون
سليم ينفع كده ياسليم باشا پيتخانقو وانت قاعد
سولي بابا حبيبي
سليم محتضنا اياه عيون بابا سايبهم يتخانقو وانت قاعد ليه مش قلتلك انت مكاني وانا غايب
سولي بتذمر طفولي اصلهم مملين اوي يابابا دول پيتخانقو علشان علبة فاضيه وانا صدعت منهم
سليم عندك حق بس هما لسه مبيعرفوش الصح من الغلط وواجبك لما نكون انا وماما بعيد تنتبه عليهم
سولي حاضل
سليم اهي كلمة حاضل دي بالدنيا كلها
لينتبه علي صوت والدته معاتبه له ده علي اساس انك مش شايفني مثلا
سليم بنفس اللهجه يمكن حضرتك اللي مش شيفاني ونستيني اكتفيتي باحفادك يام سليم
جميله وهي تفتح له ذراعيها تحتضنه بحب أم يزداد دائما بحبهم لانهم حته منك انت الاصل وهما فروعك ياقلبي معقول غيران
سليم يوووة انتي بتقولي غيران ونداء بتقول غيران انا مليش غيركم من حقي اغير واخاڤ تنشغلو عني
جميله وهي تقبل راسه ومازالت تحتضنه احنا كلنا ملناش غيرك يابني ربنا يسعدك ومراتك مسكينه الولاد اشقيه جداااا غير الحمل صعب عليها اطلعلها لانها متوتره من مقابله نديم
استأذن من والدته ليصعد البها
نداء سليم هو نديم ممكن يحبني زي الاول تاني
سليم حرام
عليكي يانونو ده اخوكي غلس وبيغير عليكي مني ومش طايقني من غير مايشوفني عيزاه يحبك اكتر من كده ايه
نداء بدلال وحب ماهو عنده حق كنت دايما اقوله اني مش مؤمنه بالحب ومستحيل احب حد واضعف قدامه لازم انا اللي اتحب وبس فاق من الغيبوبه لقاني بعشق الدكتور ومش قادرة ابعد عنه
سليم الدكتور هو اللي بيعشق امك يانونو
ببيت الدكتور عبدالرحمن العزبي
عبدالرحمن بسعاده كويس جدا يابنتي دكتور سليم اخلاقه وشغله مفيش زيهم الحمد لله انك قدرتي تصلحي العلاقه بينا
ناريمان محدثه نفسها لسه بدري يابابا ده تقيل اوي بس انا مش هسيبه
عند مهاب يجلس مع اخته الصغري مي
مهاب ممكن تبطلي عياط وتفهميني حصل ايه بدل ما ارتكب جنايه
مي پبكاء اكرم رفع يده عليا قدام اهله يامهاب ولما عاتبته قالي واضربك بالجزمه كمان احمدي ربنا ان مستحملك وانت لسه مخلفتيش مع ان اخواتي واخواتك خلفو مره واتنين
ازداد بكاءها انا عملت كل التحاليل والاشعات معنديش مشكله ده ارادة ربنا اعمل ايه يعني
احتضنتها والدتها بحنان وخوف ولم يستمع هو اللي شئ اخر بل اسرع الي من تسبب في دموع وقهر شقيقته
وصل مهاب الي
بيت شقيقته ليجد جميع افراد العائله بحث عنه بعينيه حتي وجده اسرع اليه ممسكا اياه بقوة
مهاب هي مين اللي تضربها بالجزمه ياحيوان ياكلب
حاول احمد شقيقه
الكبير التدخل الا ان مهاب نظر اليه محذرا ليكمل مهاب كلامه
اختي سليمه ميه في الميه التحاليل بتاعتك فيها مشكله تمنع الانجاب بس انا عشان متربي خبيت علي اختي وعليك وقلت نصبر وتتعالج بس بما انك واطي فهي مش راجعه تاني وانت هطلقها خلال اسبوع والا هرفع عليك قضية خلع للضرر وبالنسبه ليكي يامها انتي ومريم فانا معرفش سمعتوه وهو بيهين اختكم ولا لا بس حسابكم بعدين
غادر سليم وسط همهمات الجميع ونظرات الفخر والتشفي من شقيقاته لينطلق اكرم مبتعدا يحاول الحفاظ علي كرامته المبعثره
عاد الي البيت ليجد زينه تنتظره بوجه قلق
زينه عملت ايه يامهاب مكنش ينفع تتصرف وانت منفعل
مهاب بصوت عالي وقوي يعني ايه لما اهدي هتقبل انه اختي تنضرب وتتهان
زينه انا مقصدش كده طبعا بس مي مش متجوزه لوحدها هناك لازم تعمل حساب مها ومريم
مهاب متشغليش بالك انت انا ادري باخواتي
زينه بحزن فعلا عندك حق انا اسفه لتغادر سريعا من امامهم
هدي معاتبه بقي انت رايح تتخانق مع اكرم عشان اهان اختك تقوم ترجع انت تهين مراتك هي غلطت في ايه
مهاب يووووه يا أمي انتي هتحاسبيني عالكلمه عادي مكنتش قاصد
هدي يادكتور مراتك سكرها عالي من الحمل ومبتقعدش بتعمل كل حاجه في البيت عشان انا متعبش ميكنش جزاتها الاهانه اطلع يابني راضيها وطيب خاطرها دي مهما كان غريبه ولوحدها في وسطنا
مي بعد ان توقفت عن البكاء مظبوط ياخوي زينه نعمه من ربنا والله وطيبه وبتحبنا كلنا
أومأ مهاب برأسه ليغادر الي زوجته
في غرفة زينه تبكي بحړقة فهي بسبب الحمل تشعر باعياء وتعب نفسي وجسدي كما انها تفتقد والدتها تفتقد نداء بشدة
مهاب وهو يقترب من زينه بندم اسف يازينه عارف اني اوقات كتير بكون قليل الذوق بس والله مش ببقي قاصد ولا كلامي قلة تقدير ليكي بالعكس انا بحس اني قدامك مش محتاج اخاڤ وانا بتكلم انا طول عمري وحيد وبكتم مشاعري بحاول اظهر قوي معاكي انتي بس قدرت ابين ضعفي ڠصب عني انفعلت حسيت ان اكرم ضړب اختي لان ملهاش حد فاكر اني عشان لوحدي هخاف او اسيبه يكسرها ارجوكي بلاش دموعك دي
زينه بحزن عادي انا اتعودت منك علي كده يامهاب انت صح جوز اختك اهانها عشان حس ان ملهاش حد زيك كده تمام بتهيني عشان مليش حد اخويا الوحيد اللي ممكن يقفلك مسافر وسيبني ملطشه اعتقد لولا والدتك ووقوفها في صفي كان زمانك عامل اكتر من كده
مهاب پصدمه من كلامها معاش ولا كان اللي يهينك يازينه للدرجه دي شيفاني قليل الاصل انا اسف وحقك عليا ولو تحبي اعتذرلك قدامهم تحت زي مازعلتك
قدامهم انا راضي بس انا شايف اصالحك الاول براحتي وبعدين اصالحك قدامهم ليقترب منها يعتذر باسلوبه الخاص فكل يوم يمر بينهما يزداد حبه لها ولكنه مازال يحاول التحكم بعصبيته الزائده
بينما علي الجانب الاخر يجلس نديم يفكر كيف يتعامل مع سليم بصورة طبيعيه حتي لا يضايق نداء فهو لا
يتعمد معاملته باسلوب سيء ولكنه يري ان سليم اخذ منه شقيقته وتؤامه وتسبب في حزنها سنوات يفتقدها نديم بشده يريدها ان تعود
