أحببت صعيدى فاطمه

ايه ياخديجة مالك نايمه للضهر دا انتي حتي لا عيل ولا تيل ولا جيتي ولا سألتي عليا من امبارح خير ناموسيتك كحل ولا ايه 
خديجة خير يامرت عمي مالك ما انا عيني عليكي باردة اهه وشك ولا البدر في تمامه
ام منير يوه قري عليا يابت الله اكبر عليا الا قوليلي قولتي لجوزك اننا هنروح للدكتورة بعد يومين 
خديجة قولتله متقلقيش
ام منير وقالك ايه ولا زي العادة رفض 
خديجة لا يمرت عمي زي العادة رفض وحتي ابقي اسألية 
وهم يتحدثان دخلت عليهم زوجة اخو منعم شيماء ماما ياماما يوه ازيك ياخديجة خدي عني الواد ياماما تعبانه مش قادرة اخد نفسي ما انتي عارفه الحمل ياخديجة يوه يقطعني صح وانتي تعرفيه منين ربنا يديكي

خديجة بإختناق ربنا يخليهولك ويقومك بالسلامة انا طالعة شقتي يامرت عمي عايزة حاجة.
ام منير ما خليكي تقعدي مع العيال يمكن نفسك تهفك وتجيبلنا عيل ولا

حاجه
خديجة لا منعم زمانه جاي من الشغل هحضرله الغدا 
ام منير ما اخوه الكبير منير جاي من شغله واهه مرته معايا وهنتغدوا سوا ولا انتي وجوزك مبتحبوش تتغدوا غير وحديكم.. 
خديجة مرة تاني عن اذنكم.
شيماء اذنك معاكي ياختي
ام منير وراكي لحد ما اوديكي للدكتور واكشف المستخبي اقطع ايدي من هنا ان مكنش العيب منها ياشيماء 
شيماء اكيد امال ايه ادالها سنه ولا قلقت عالخلفة ولا سألت ربنا يستر ياماما
صعدت خديجة لشقتها وارتمت علي سريرها وهي تبكي فطالما كانت تحلم بان تتزوج وتنجب فهي تعشق الاطفال ولكن ماذا تفعل... 
دخل منعم ووجدها تبكي لم يسألها عن السبب فهو يعلمه ولكن ماذا يفعل هو ايضا
خديجة انا زهقت شوفلك حل يامنعم انا تعبت
منعم ياخديجة قولتلك متنزليش لحد وانا م الاول قولتلهم انك ملكيش دعوة بشغل البيت تحت وامي بجبلهاخدامة تشوف طلباتها 
خديجة يامنعم انا مقدرش اختفي عنهم لازم عالاقل اسال علي امك لو تعبانة عشان الاصول بس انا زهقت تعبت قولهم مش هكشف مش هكشف انا مفياش حاجة وانا وانت كشفنا وعرفنا الي فيها... و
منعم خلاص ياخديجة مش لازم تفكريني اني انا السبب انا الي مبخلفش مبخلفش ياخديجة عارف عارف
الفصل الخامس
مع مرور الأيام يتضح لنا شيئا جليا إن اغلي شيء في الحياة هو الحب نعم فالمحبون نادرون جدا في عالمنا هذا فالحب هو الخدوء في عالم ملئ بالصخب كثر المخادعون فمن يجد قلبا محبا صادقا فليمسك عليه فإنه قد ملك كنزا.......
مر يومان والوضع من سيء لأسوا فالقلوب مسلمة مستسلمة لمن فيها فرقية تمضي يومها بسلبيتها المعهوده تجاه حماتها وليلها في ذكرياتها مع مصطفي ثم مناجاتها لربها لعله يغير من الأمر شيء فالأمر كله لله اما يونس فقد شعر بأن ابيه قد حكم عليه بالاعډام وانه ينتظر المۏت فبزواجه من رقية متأكد انه سيخسر حبه وللأبد اما الحاج فاروق فهو ما زال في تشدده وتعنته وقد بدأ بتجهيز الجناح الخاص بالعروسين في نفس المنزل وقد قاما بإختيار كل شيء فهو صاحب القرار ولا دخل لأحد فيه وعند منزل فاطمة كانت حقا قلقة علي اختها زينب ولكنها ستحاول اقناعها بأن تخبر ابيها بما يفعله زوجها خاصة بعد ما حدث خلال زيارتها الاخيرة 
وفي شقة خديجة يبدو انها احست انها بلا قصد قد جرحت منعم فحاولت ان تداوي ذلك الچرح وقررت صنع يوم مختلف اليوم بعد صمت دام يومان بينهم فمنعم يستيقظ مبكرا لعمله ويأتي متأخرا لنومه ولكنها تحبه وتعلم انه يحبها كثيرا وستثبت ذلك ولكن لربما لحماتها رأي آخر.....
يوم جديد بشمسه الحاړقة الصعيدية تطل علي أعين الجميع فتوقظهم باكرين الا رقية فقد احست بتعب شديد 
دلفت الحاجة سعاد نحو المطبخ تبحث في وجوه الخدم وكأن رقية واحدة منهم فأول مكان تبحث عنها فيه هو المطبخ ولكنها لم تجدها 
الحاجة سعاد هي رقية منزلتش يابت من فوق 
زنوبة الخادمة لا ياحاجه منزلتش اطلع اشوفها 
الحاجة سعاد روحي شوفيها ناموسيتها كحلي ما اليوم بدأ من اوله
وفي غرفة يونس
آدم بقولك ايه يايونس ياخوي هو انا ممكن اطلب منك طلب
يونس ايه ياواد عايز فلوس
آدم لا عايز اطلع يومين مع صحابي الغردقة وخاېف من ابوي ميوافقش
يونس انت ياواد انت مش وراك مذاكرة دا الامتحانات خلاص بقيلها شهر!
آدم لا ما هو انا هطلع بعد الامتحانات بس خاېف لابوك ميوافقش وقلقان
يونس اتشطر انت في الامتحانات وشد حيلك وهات مجموع عالي وليك عليا تطلع الغردقة اسبوع مش يومين وملكش دعوة بأبوك انا هتصرف
آدم حبيبي يااخوي ربنا يخليك ليا وينولك الي في بالك يارب
سرح يونس في دعوة اخيه وقال محدثا نفسه الي في بالي ياه لو نولت الي في بالي ياااااه 
آدم ايه سرحت في ايه
يونس ابدا بقول آمين وربنا ينجحك
وفجأة سمعوا صوت زنوبة ياحاجة الحقي ست رقية الحقي ياحاجه
صعدت الحاجة سعاد متمنيه ان تكون رقية ماټت.... وورائها بناتها قلقتان علي

امهما وكذلك خرجا يونس وآدم من غرفتهما ولم يكن الحاج فاروق بالمنزل فقد خرج باكرا للارض 
يونس في ايه يازنوبة مالها ام سما 
زنوبة لقيتها واقعه عالارض وسخنة جدا ومجيباش منطق 
آدم طب يالا نجيبوا دكتور ولا ناخدها المستشفي 
يونس انا هجبلها دكتور ماجد الي ساكن جمبينا بسرعة
الحاجة سعاد استني يايونس روحي يابت هاتي فحل فصل نشممهولها تلاقيها غميت من السخونية ولا موكلاش زين
يونس فحل بصل ايه انا نازل اجيب الدكتور
سما وسجي يبكون امهم ماما اصحي ياماما
الحاجة سعاد طلعي العيال بره خلي آدم يلاعبهم وتعالي لبسي الهانم عباية وطرحه عشان الدكتور الي جاي
زنوبة تعالوا يابنات امكم هتبقي زينه متخافوش خد ياسي آدم البنات خليهم معاك
سما انا خاېفه علي ماما ياعمو
سجي وانا كمان خاېفه اووووي
آدم متخافوش امكم بخير الدكتوك دلوك يجي ويكشف عليها وتبقي زينة
سما هي ماما هتسبنا زي بابا وتروح عند ربنا
آدم مټألما لكلامها لا ياسما بعد الشړ يالا ياحبايبي نستنو في الاوضه وهوريكم كارتون حلو تعالوا لحد ما ماما تفوق
وها قد حضر الطبيب مع يونس ودخل للغرفة مع الحاجة سعاد ليكشف علي رقية وانتظرهم يونس خارج الغرفة قلقا ولا يعلم لماذا انتابه كل هذا القلق 
بعد الكشف المبدئي وقياس الضغط..
دكتور ماجد هي ياحاجه تعبت قبل كده او حصلها اغماء
الحاجة سعاد لا بس هي حصلها كده بعد ۏفاة المرحوم والنهاردة بس
الدكتور هو يعطي رقية حقنة هي ضغطها عالي وواضح انها مبتاكلش كويس بس لازم نعملولها تحاليل عشان نطمنوا لان ضربات القلب سريعة عن الطبيعي
رقية وبدأت تفوق وشعرت بالغرابه من وجود الدكتور وحاولت القيام ايه الي حصل ومين حضرتك في ايه ياماما
الدكتور ابدا يامدام حضرتك دختي وحصلك اغماء هو حضرتك اكلتي موالح امبارح بزيادة لان ضغطك عالي
رقية لا انا متعشتش اصلا
الحاجة سعاد وليه متعشتيش بيت فاروق السوهاجي مفيهوش وكل ولا ايه ولا يعني لازمن تصدعينا وتتعبينا وتقلي راحتنا وتخلي صبحويتنا مقندلة
رقية اسفة انا محستش بنفسي
الدكتور الحمد لله جت سليمه ان شاء الله نطمن بكرة من التحاليل وهكتبلك علي شوية مقويات لحد ما نشوف نتيجة التحاليل
الحاجة سعاد شكرا يادكتور تعبناك
يونس خير يادكتور طمنا 
الدكتور المدام ضغطها عالي وضربات قلبها سريعه عن المعدل الطبيعي ياريت حضرتك تجبهالي بكرة المستشفي بسوهاج نعملولها تحاليل ورسم قلب ونطمنوا بس لازم الراحة التامة وكمان دي شوية مقويات لحد ما نطمنوا
يونس حاضر يادكتور الي تشوفه شكرا تعبناك 
ياآدم يا آدم 
آدم نعم ياخوي
يونس وصل الدكتور 
الدكتور الف سلامه عالمدام
يونس الله يسلمك شكرا يادكتور
يونس زنوبة بت يازنوبة
الحاجة سعاد عايز ايه من زنوبة ما بتعمل شغل البيت
يونس عايزها متفارقش ام سما لحد مانطمنوا عليها
الحاجة سعاد ده دلع حريم وسهوكة دلوك تقوم كيف الحصان متشلش هم انت وبعدين مالك قلقان ليه ما انت ما رايدش تتجوزها دلوك حبيتها وخاېف عليها
يونس ياما دي مهما كان ولية ومرات المرحوم وام بناته ان مكنش عشانها عشان بناتها
سجي وسما وهم في حضڼ امهم
رقية متقلقوش يابنات انا كويسة 
سما احنا خفنا عليكي اوي ياماما
سجي وانا ياماما بكيت كتير انا مش هنام في الاوضة الجديدة تاني
سما ايوة مش هنسيبك تاني
رقية لا لا يابنات انتو كبرتوا بقيوا اميرات والاميرات لازم يناموا وحدهم وبعدين مش جدو عملكم اوضه جميلة ومليانه عرايس مش كنتو نفسكم فيها هتزعلوه وتسبوها
سما لا ياماما
سجي حاضر هنقعد فيها
زنوبة وهي تحمل صينية الاكل والعصير والدواء يالا ياست رقية سي يونس وصاني تاكلي اكلك كله وقالي مسبكيش واصل واشوف طلباتك
رقية يونس معقول
زنوبة يوه مش هيبقي راجلك بعد اسبوعين 
رقية وقد احست بالاختناق افتحي يازنوبة البلكونة والشبابيك عايزة اتنفس 
زنوبة حاضر ياقمرة والله بيني وبينك انتي ليكي معزة خاصة بتعملينا انا وباقي الخدم وكننا اخواتك 
رقية كلنا اخوات يازنوبة وكلنا ولاد تسعة
زنوبة والله يارزق اسي يونس بيكي هو كمان زيك كده ميتخيرش عنك في طيبتك وكلامك الي كيف العسل
رقية معلش يازنوبة خدي الاكل انا خلصت ممكن بس تسبيني انام شوية
زنوبة يقطعني انا دوشتك ياست رقية معلش خدي الدوا وهسيبك ترتاحي لحد الغدا حكم اسي يونس قال نعملولك اكل مسلوق
رقية وقد ضاق خڼاقها من سماع اسم يونس فهي لا

تريد اهتمامه ولا سماع اسمه فهو بالنسبه لها كابوس تخاف منه رغم ما سمعته عنه 
خلاص يازنوبة سبيني دلوقتي عشان هغير هدومي وانام
دخلت الحاجة سعاد عليهم دون استئذان اطلعي يابت يازنوبة شوفي شغلك
زنوبة حاضر ياحاجة انا كنت جاية اهه
الحاجة سعاد وبحدة لرقية بصي يابت انتي احنا مبنحبوش دلع الحريم والبحرواية ده ويونس غير مصطفي ملهوش في السهوكه ومش يونس الي تضحكي عليه
رقية وقد اعتدلت من نومتها انا عملت ايه ياماما لدا كله انا والله ما عملت حاجه
الحاجة سعاد ياسلام امال تمثلي علينا وتقلقي راحتنا ليه مش عشان تتمسكني لحد ما تتمكني وقال الدكتور يقول تحاليل ومرار طافح فاضينلك احنا
سمعهم يونس بالخارج فطرق باب الغرفة مستئذنا وكان مفتوح
فاارتدت رقية طرحتها مجددا منتفضة لرؤيته
رقية اتفضل
يونس الف سلامة ياام سما
رقية بااستحياء الله يسلمك شكرا
يونس تعالي ياما عاوزك وسيبي ام سما ترتاح وبعد اذنك ياام سما بكرة جهزي نفسك الصبح هنروحوا نعمل التحاليل الي قال عليها الدكتور
الحاجة سعاد ليه هو انت الي هتروح معاها اياك
يونس امال عايزها تروح وحديها اياك واش عرفها هي بسوهاج والمستشفيات
الحاجة سعاد وهي تنظر لرقية باستنكار ما هي بقت كويسة ملهاش لازمة التحاليل والمشورة عالفاضي.
رقية ايوة خلاص انا بقيت كويسة وبعدين مش هينفع اروح معاك وحدي يعني مش هينفع...
يونس انا اتصلت بخديجة وقولتلها هتاجي معانا متفوتنيش دية يابت الاصول
سمعت رقية كلمة بنت الاصولوتذكرت مصطفي فكان دائما ما يقولها لها ايضا فشعرت براحة وابتسمت ابتسامه خفيفه الي تشوفوه
الحاجة سعاد لما نشوفوا ابوك ونقولوله ونشوفوا رأيه بالاول
يونس انا