رواية ولكنى أحببت مريم عثمان

إبنك مفكر كدا عن مراته ومصدق ومطاوعه علي اللي بيعمله
عبدالله وانا كنت اعرف منين يانجلاء ان إبنك فاهم غلط
نجلاء بصوت عالي توعييييييييه تعرفه غلطه تعرفه ان شرف مراته مفيش أغلى منه وإنه حماااار عشان بيفكر في مراته كدا
بصت لعمر ثم تعالى هنا ..
انت ازاي تقعد الفترة دي كلهااااا بتعمل فيها كدا من غير ماتصارحها من غير ماتعرفها اللي فيك 
الراجل ومراته يابني بيبقوا زي الحلة وغطاها يقفلوا على بعض عشان يطلعوا أكلة محترمة .. لا الحلة ينفع تعمل اكل من غير الغطا 
ولا الغطا ليه لازمة من غير الحلة 
قامت وقفت انا هقوم أنزل شقتي يابني 
مش مستحملة اقعد اكتر من كدا مع واحد عمل اللي انت عملته بالذات لو كان ابني 
وشقتك
دي انا مش هعتبها برجلي تاني إلا ماترجع صاحبتها اللي هتنورها 
سابته ونزلت علي تحت
قامت منة وقفت قدام عمر وبصتله بزعل مريم مكانتش تستاهل منك كل دا ياعمر 
مريم حرفيا مفيش منها وكانت بتعشق التراب اللي انت بتمشي عليه بس باللي انت عملته دا انت كسرت بخاطرها وسديت نفسها عن الدنيا كلها .. ربنا يسامحك 
سابته هي كمان وطلعت 
عمر قرب جنب ابوه 
عمر أعمل ايه يابابا .. شور عليا
عبدالله للأسف يابني انت فعلا غلطت غلطة كبيرة اوي وللأسف الأكبر انا طاوعتك عليها
أحسن تصرف دلوقتي انك تعمل اي حاجة عشان ترجع مراتك بيتها
عمر اقسم بالله يابابا انا بټحرق من جوايا من ساعة اللي حصل ... عندي إستعداد أدفع حياتي تمن اني أشوفها عايشة في البيت دا تاني زي زمان وكرامتها رجعالها 
بس انا مش هسكت وهعمل اي حاجة عشان ارجعها
رجع عمر من الفلاش باك على صوت رسالة واتس اب على تليفونه من رقم غريب
اوعى تفتكر الحكاية خلصت على كدا ياعمر ... Take care 
يتبع
البارت 20 
عمر ايه الرسالة دي !! 
حط الرقم على التروكولر عشان يشوف مين باعتها لقى الرقم مش متسجل
عمر ماعلينا .. لو حد عايز حاجة هيبعت تاني
قفل التليفون وطلع البيت
تاني يوم الصبح 
مريم صحيت وقامت دخلت الحمام خدت شاور وخلصت .. وقفت تنشف شعرها
في أوضة سارة 
سارة نايمة تليفونها رن مدت ايديها جابته من على الكومودينو
سارة الو ..
محمد صباح الخير ياقمر 
سارة صباح النور 
محمد ايه اللي منيمك لحد دلوقتي ياماما مش وراكي مشوار 
سارة انت خلاص قررت اني وافقت 
محمد الحاجات اللي زي كدا الواحد مش المفروض يستنى الموافقة عليها المفروض يقتحم كدا فاهمة 
سارة مچنون رسمي وربنا 
تمام هنتقابل فين 
محمد اول مااقفل معاكي هبعتلك اللوكيشن تيجي عليه الساعة ٤ .. اشطة 
سارة اشطة
قفلت معاه وسابت التليفون وقامت دخلت الحمام وقفلت الباب 
خرجت مريم من جنب الحيطة اللي كانت واقفة جنبها عشان تسمع المكالمة كلها
مريم بينها وبين نفسها عاندي اكتر يا سارة لو اضطريت اكسرلك رجليكي الاتنين مش هسيبك ټغرقي نفسك مهما حصل وتعيشي الحياة اللي عيشتها
سمعت تليفونها رن راحت تشوفه 
عمر بيتصل مسكت الفون شوية
مش عارفه ترد ولا لا ...
مريم الو ...
عمر وحشتيني اوي
مريم عايز ايه ياعمر
عمر طمنيني عليكي
مريم كويسة .. متصل عشان تعيد نفس الكلام صح 
عمر دايما ظلماني كدا .. 
انا مش متصل عشانك علي فكرة
مريم اومال متصل ليه ياعمر
عمر لقيت دكتورة نساء شاطرة جدا ومضمونة وحددت معاهم معاد النهاردة الساعة ٨ .. مناسب معاكي 
مريم لا مش مناسب وشكرا انا هعرف أصرف نفسي بنفسي واربي إبني بالطريقة اللي تعجبني
عمر انا مدخلتش في الطريقة اللي تربي بيها إبنك علي فكرة الفكرة إنه ابني انا كمان وعايز اتطمن عليه وعليكي يامريم 
مريم انا كويسة وابني كويس 
ممكن تسيبني في حالي بقا
عمر مريم كفاية عڈاب لحد كدا أبوس ايدك نفذيلي الطلب دا بس
مريم وانت هتنفذلي ايه قصاده 
عمر مش فاهم
مريم عايزني انفذلك الطلب دا نفذلي طلب قصاده والطلب جاهز ... طلقني 
عمر امممم هي بقت كدا يعني 
ماشي يامريم براحتك هسيبك تفكري من هنا لوقتها وتردي عليا
مريم سلام
عمر سلام
قفلت السكة ودخلت المطبخ تصب كوباية لبن .. سارة داخلة المطبخ تعمل نيسكافيه بصت ناحية مريم بخجل وبعدين بدأت تعمله
سارة انا آسفة
مريم علي ايه
سارة على الطريقة اللي كلمتك بيها امبارح .. انا بس ما صدقت لقيت حد حسيت أنه شبههي
مريم بالنسبالي مش زعلانة من حاجة انتي بنتي قبل ما تكوني أختي 
أما بالنسبة لمحمد وهي بتطبطب عليها الأيام هتثبتلك إنه مش شبهك ياسارة
خدت كوباية اللبن وخرجت من المطبخ
الساعة ٣ ونص 
سارة بتفنش لبسها وخدت شنطتها وفتحت باب الشقة
سارة ماما انا رايحة الجامعة ها
فريدة من المطبخ ماشي ياحبيبتي ربنا معاكي
نزلت على تحت ومجرد ما مريم اتأكدت انها نزلت راحت فاتحة الباب ونزلت جري وراها .. وقفت علي جنب لحد ما سارة ركبت العربية وراحت راكبة تاكسي ورايحة وراها على طول
في التاكسي اللي راكبة فيه سارة
سارة طلعت الفون بتاعها وطلعت اللوكيشن اللي باعته ليها محمد
سارة للسواق لو سمحت وديني على العنوان دا بالظبط
السواق ماشي ياانسة
قبل ما يوصلوا اللوكيشن بدقايق ومريم ماشية ورا سارة بالعربية
التاكسي اللي راكبة فيه مريم عطل مرة واحدة 
مريم باستعجال فيه ااايه اتحرك بسرعة هيفوتونا
السواق مش عارف فيه ايه والله تقريبا الموتور فيه حاجة ثواني أنزل أشوفه
مريم بعصبية لسسسسة هتنزل تشوف الموتور 
بتطلع الفلوس اتفضل وانا هكمل وراها
نزلت من التاكسي بتبص قدامها 
التاكسي اللي راكبة فيه سارة اختفى 
بدأت ترجع خطوات بطيئة لورا وهي مصډومة راحت جارية بسرعة قدام تبص يمين وشمال ملقتش اي أثر لعربية سارة
مريم اعمل ايه دلوقتي اجيبها منييييين 
اوصلك ازاي ياسااارة الله يساامحك 
في عربية سارة 
سارة ايوووة هنا ياسطا .. شكرا
طلعت الفلوس حاسبته ونزلت من التاكسي اتصلت بمحمد
محمد ايه ياقلبي
سارة انا وصلت اهو ع اللوكيشن اللي بعتهولي .. فين بقا الكافيه اللي هنتقابل فيه في الصحرا دي !!
محمد بصي هو مش كافيه اوي يعني
سارة اومال هو ايه 
محمد هفهمك لما تيجي .. قوليلي بقا واقفة فين بالظبط عشان اجي اخدك
الناحية التانية 
مريم مازالت واقفة تلف حوالين نفسها مش عارفة هتلاقي اختها فين .. وبدون أي مقدمات طلعت الفون وطلبت رقم
مريم الو ..
عمر يااه وافقتي بالسرعة دي 
مريم انا لقيت الطلب اللي هتنفذهولي عشان اجي معاك للدكتورة
عمر بجد 
اؤمريني ياروحي
مريم هبعتلك اللوكيشن دلوقتي تعالالي حالا ولما تيجي هقولك
عمر فيه حاجة ولا ايه يامريم انتي كويسة 
مريم كويسة ياعمر بقولك تعالي بسرررعة مفيش وقت
عمر حاضر ياحبيبتي مسافة السكة جري وهكون عندك
محمد وصل قدام سارة .. وقف بصلها من فوق لتحت بابتسامة
محمد ايه القمر دا 
سارة بكسوف يلا بقا نشوف هنروح فين عشان تقولي الكلام المهم اوي اللي عايز تقوله دا 
خدها وفضلوا ماشيين مسافة لحد ما وصلوا مكان كبير بتاع حفلات بس فاضي تماما مفيهوش ولا بني ادم
سارة داخلة بتقدم خطوة وبتأخر عشرة وعمالة تبص حواليها پخوف
سارة ايه المكان دا وفين الناس
محمد دا بقا ياستي الخلوة بتاعتنا انا واصحابي واهلي وكدا يعني تقدري تقولي اللي يحب يقعد مع نفسه شوية بييجي
سارة بس احنا متفقناش علي كدا يامحمد المكان فاضي وخطړ
محمد انتي مش واثقة فيا ياسارة !
سارة لا طبعاا واثقة فيك بس المثل بيقول اجتنبوا مواطن الشبهات ليه نحط نفسنا في موقف زي دا لما ممكن نروح كافيه عام وتقولي اللي عاوز تقوله
محمد خلاص ياستي ولا تزعلي نفسك اقعدي نشرب حاجة في السريع وقومي نمشي خلاص
سارة بتوتر ماشي يامحمد بس انا هشرب الحاجة دي في ثواني وهقوم نمشي من هنا
محمد تمام
قام غاب شوية ورجع
محمد جبتلك ياستي ازازة عصير موز باللبن اللي بتحبيه اهو اشربي براحتك بقا
سارة ازازة ايه يامحمد هي كوباية وهقوم 
محمد ماشي اشربي يلا 
صبت كوباية عصير وبدأت تشرب
عمر وصل المكان ودخل علي مريم
عمر ايه يامريم فيه ايه 
ايه اللي موقفك في الصحرا
دي لوحدك
مريم سارة ياعمر
عمر مالها سارة
مريم سارة أختي في خطړ انا حاسة 
ولازم أوصلها ومحدش غيرك هيقدر يساعدني
عمر مټخافيش ياحبيبتي هنوصلها طبعا .. بس ايه هو الخطړ ومفيش غيري يقدر يساعدك ليه 
مريم عشان الخطړ هو
اخوك ياعمر
عمر محمد !!
مريم اه محمد 
اخوك بقاله فترة بيتقرب من سارة او تقدر تقول تقول إعجاب متبادل والنهاردة عرفت انهم هيتقابلوا جيت وراها عشان اتطمن انها بخير واوقفه عند حده لقيتها جاية الصحرا دي والسواق الي كان معايا عطلني كمان
عمر ايه الكلام دا 
طب يلا بسرعة ندور عليهم
سارة شربت كوباية عجبها العصير بدأت تصب كوباية تانية ف تالتة ف رابعة 
محمد قاعد يبصلها بخبث ويتفرج عليها وهي بتشرب
فلاش باك 
سابها محمد وقام يجيب العصير اللي مجهزه في التلاجة .. طلع ازازة حط فيها موز باللبن ومعاه نوع خمړة وقلبهم كويس مع بعض وحط معاهم كراميل ورج الازازة وراح يديها لسارة تشرب
رجع من الفلاش باك 
سارة خلصت الازازة كلها وبدأت تدروخ ومبقتش متزنة نهائي قامت وقفت
سارة يل... يلااا بقا يامحمد نروح عشان انا تعب....
وقبل ماتخلص كلامها كانت
بتقع ع الأرض محمد لحقها وهو مبتسم بخبث 
شالها وراح حطها على الكنبة 
جيتي برجلك بقا ياحبيبتي نعمل ايه 
مريم وهي بتنهج ايه ياعمر هنفضل ندور كدا لحد امتي 
عمر وهو بيقف استني يامريم انا افتكرت حاجة 
فيه قريب من هنا مكان كدا كنا بنيجي نحتفل فيه انا ومحمد واصحابه وممكن اصحابي .. تعالي نروح نجرب يمكن نلاقيهم هناك
بعد ربع ساعة 
عمر ومريم داخلين يجروا وفجأة ..
محمد شايل سارة خارج بيها وباصص لعمر ومريم وعيونه مدمعين
يتبع
البارت 21 
عمر ومريم داخلين يجروا وفجأة ..
محمد شايل سارة خارج بيها وباصص لعمر ومريم وعيونه مدمعين
مريم فضلت مبرقة لسارة ووشها لونه يتغير ويتلون مع دموعها اللي نازلة وهي ساكتة
طلع عمر لقدام ومسك محمد من رقابته بعصبيه لو اكتشفت انك لمست منها شعرة ھقتلك يامحمد 
وهو بېخنقه زيادة فااااهم يعني اااايه 
هقتللللللك 
نزل ايده وشال سارة منه وراح يوقف تاكسي بسرعة 
مريم بتمشي خطوات لقدام .. وقفت قدام محمد وبصت في عينه 
عملت فيها ااااااايه انطططططق 
مريم كدا كتير اووووي يارب كتير عليا كلللل الضربات دي في الراس 
انا مش عارفة اعمل ايه مش عارفة أروح فين ولا أكلم مين ولا اشتكي من ايه ولا ايه ... منكم لله منكم لللللللله كلكككم
كان عمر بيحط سارة في التاكسي ورجع جري يجيب مريم لقاها قاعدة مڼهارة في الأرض عينه دمعت ونزل يجيبها زقت ايده بعزم ما فيها
مريم بعياط ابعععععععد عني واوعي تلمسني ولا تلمس أختي تاني 
انا من ساعة ما عرفتك مشوفتش غير المصااااايب سيبني في حاااااالي بقاااااا
وبدأت ټعيط زيادة راح عمر شايلها ڠصب عنها وراح جري حطها في العربية وركب جنب السواق واتحركوا
فضل محمد واقف لوحده .. راح قعد على جنب
فلاش باك 
وقعت سارة بين ايديه وهي بتتكلم شالها وراح نيمها على الكنبة ... قرب منها ولسة بېلمس شعرها
بص لعيونها وهي نايمة 
بدأ يفتكر كل منظر شافها بيه من اول ما عرفها 
يحاول يوقف دماغه عن التفكير ويقرب وېلمس وشها 
يفتكر