سيد الرجاله ديدا على

على فيلته ودخل على جوا بعد ما ركن عربيته فى الجراج .
اول ما دخل لقى مامته قاعده بتكلم صحابها فى الجمعيه الخيريه اللى هى بديرها .
طلع على فوق . وهو طالع دخل يشوف اخوه إسلام فى اوضته ولا لا علشان بقاله كام يوم ما شفهوش
وفعلا دخل لقى اسلام ماسك اللاب بتاعه وشغال عليه شويه .
خالد .... ازيك يا اسلام فينك يا ابنى بقالى كام يوم مش بشوفك ليه 
اسلام .... موجود يا خلوده بس كنت مسافر الغردقه علشان المشروع الجديد اللى الشركه شغاله فيه اليومين دول .
خالد ..... اه بابا كان قالى ربنا معاكم وبالتوفيق يا مان.
سلام موقت هاروح اخد دوش وانام شويه قبل ما اروح النادى للتمرين .
اسلام .... ماشى يا خالوده سلام .
فى المستشفى كانت نور بدأت تفوق شويه وبدأت تفتح عيونها .
يوسف اول لما شافها جرى عليها وقرب منها ومسك ايديها 
مامته حاولت تسيبهم لوحدهم شويه علشان يكونوا براحتهم .
يوسف .... نور حبيبتى انتى كويسه حاسه بايه 
نور ..... انا فين انا ايه اللى جبنى هنا 
يوسف .... انتى تعبتى شويه وجبتك على الاوضه دى عقبال ما تفوقى شويه يا حبيبتى .
نور .... ااااه
ماما . ماما فين يا يوسف .
نور بدأت تفتكر كلام الدكتور وافتكرت أنه قال انها ماټت وبدأت تصرخ جامد ويوسف مش عارف يسيطر عليها .
نور .... ماما ماما
سبتينى لوحدى ليه .
انتى وعتينى انك مش هاتسبينا خالص .
روحتى فين يا امى وسبتينا .
اااااااه يا امى
ااااه يا امى
ماما
ماما .
يوسف بسرعه نده الدكتور ودخلت امه وملك واحمد على صړيخ نور .
نور .... ماما سبتنا يا احمد خلاص
مش هانشوفها تانى .
راحت لبابا وسابتنا يا احمد .
ااااه يا ماما .
الدكتور جه بسرعه وحاول يهديها وطلب من الممرضه انها تديها حقنه تانى أشد من الاولى علشان تهدى خالص .
ملك طلبت من مامتها انها تسيبه لها علشان ينزلوا تحت فى الكافيتريا شويه وفعلا نزل احمد مع ملك علشان تعرف تهديه وتوسيه شويه علشان ما يزعلش اكتر على منظر أخته وهى كده .
على اخر النهار كانت فاقت نور وشدت
حيلها شويه وخرجت من المستشفى .
ورجعت على الفيلا بعد ما دفنوا أمها فى المدافن الخاصه بعيليتها ومع ابوها .
والاب اتفق مع يوسف أن العزا هايكون تانى يوم فى مسجد مصطفى محمود علشان تكون نور شدت حيلها شويه علشان تقدر تقف وتاخد العزا .
نور طلبت من أحمد أنه يجى معاها على الفيلا بعد وفاه امها علشان طبعا مش هايقعد لوحده فى الشقه بعد كده .
دخلت نور على أوضتها ويوسف كان معاها نومها على السرير
قام يوسف ودخل على الحمام وخد دش علشان يفوق من كل اللى مر بيه طول النهار .
ملك كانت خدت احمد على اوضه جنبها علشان تبقى اوضته بعد كده .
وفعلا دخل احمد واترمى على السرير وفضل يفكر شويه فى أمه وفى اللى حصل .
وأنه مش هايشوفها تانى وإنه بقى يتيم الأب والام ومعدش ليه حد تانى غير اخته نور .
خبر وفاه الام كان انتشر بين صحاب نور وكانت صاحبتها الانتيم رضوى عرفت وقررت انها تروح لها علشان تطمن عليها فى الفيلا وتكون واقفه جنبها فى اللى هى فيه ده .
وفعلا راحت رضوى وطلبت انها تقابل نور علشان تطمن عليها وتعزيها .
نهله وملك رحبوا بيها وطلبت نهله من ملك انها تطلعها فوق لنور فى اوضتها علشان نور مش هاتقدر تنزلها.
طلعت رضوى وملك وخبتوا على الباب فتح لهم يوسف ورحب بي رضوى .
رضوى .... ازيك يا يوسف والبقاء لله انا زعلت جدا لما سمعت الخبر ده الله يكون فى عون نور فرحها كان امبارح ومامتها ماټت النهارده الله يكون فى عونها ويقويها .
يوسف ..... ونعمه بالله يا رضوى
وكويس انك جيتى علشان تكونى جنبها انا عارف انك اكتر واحده قريبه منها .
سابها يوسف هو وملك مع نور ونزلوا على تحت علشان ياخدوا راحتهم .
رضوى قربت من نور وقعدت جنبها وحضنتها
وفضلوا يعيطوا هما الاتنين .
نور .... ماما ماټت يا رضوى بعد كل اللى عملته علشانها .
ماټت وسابتنا لوحدنا انا واخويا هانعمل ايه من غيرها يا ربى.
رضوى .... معلش يا نور يا حبيبتى انا حاسه بيكى و باللى جواكى نفس الڼار اللى كنت حاسه بيها ساعه ما ماما ماټت والله يا نور انتى عارفه انا كنت بحب طنط اد ايه وكنت بعتبرها امى بعد ما امى ماټت .
ده كفايه وقفتها جنبى ساعتها وحضنها اللى عوضنى حضڼ امى .
الله يرحمها يا حبيبتى ويغفر لها هى وماما يارب .
نور .... يارب يا رضوى ياااارب .
فضلت رضوى قاعده شويه مع نور وبعدها قامت واستاذنت علشان تروح على بيتها قبل ما الوقت يتأخر .
ويوسف طلب من ملك انها توصلها بعربيتها وفعلا ملك راحت ووصلتها .
يوسف اطمنى يا حبيبتى هو فى الاوضه اللى جنب ملك على طول ونايم من ساعه ما جينا من المستشفى مټخافيش عليه .
واوعدك يا نور من هنا ورايح هاعتبره اخويا الصغير وهاخاف عليه زى خوفى عليكى وعلى ملك بالضبط.
عدى الليل ونامت نور من.
يا ترى ايه اللى هيحصل فى الايام القادمه .
يتبع
طلعت شمس يوم جديد كله حزن والم وحرمان من اكتر انسانه قريبه لنور وأحمد .
الام اللى تعبت وربت وحرمت نفسها من كل حاجه حلوة علشان خاطر عيالها وضحت بشبابها وعمرها علشانهم بعد ما زوجها ماټ وسابهم لوحدهم وقابل وجه رب كريم .
يوسف كان بدأ يفتح عيونه وبص حوليه ملقاش نور جنبه على السرير واستغرب اوى انها مش موجوده .
وهو خارج لقى ملك أخته وسألها على نور وقالتله انها لسه صاحيه من النوم هى كمان وما شوفتش نور خالص .
وهو نازل على تحت علشان يشوفها افتكر أن احمد فى اوضته واتأكد أنها اكيد هناك .
خد بعضه وراح على اوضه احمد وفتح الباب وفعلا لقى نور نايمه مع احمد على السرير وغارقانين فى النوم .
اطمن يوسف اول ما شاف نور وفضل باصص عليها وهى نايمه زى الملاك .
احمد كان حس بيه وصحى وفتح عنيه ولقى يوسف قاعد جنب نور وعمال يبص عليها بكل حب وهى نايمه .
احمد ..... احم. احم
بتعمل ايه يا يوسف هنا وعمال تبص على نور ليه 
يوسف .... احم
ابدا يا احمد اصل صحيت من النوم ملقتهاش جنبى فاټخضيت عليها وقلقت واطمنت لما لقيتها جنبك 
قام احمد ودخل على الحمام وفى اللحظه دى من صوتهم كانت بدأت تفوق نور واول لما فتحت عيونها لقت يوسف قاعد جنبها على السرير .
نور ..... صباح الخير يا يوسف.
معلش يا يوسف علشان ..........
بس ما لحقتش تكمل كلامها ويوسف علشان تسكت .
يوسف ...... حبيبتى مش عاوز اعزار ولا تتأسفى على اى حاجه ده بيتك وتنامى فى المكان اللى يريحك يا قلبى .
هو انا اه زعلان علشان فتحت عيونى وملقتكيش جنبى بس مش مشكله المهم راحتك انتى .
نور.... انا اسفه يا يوسف بس فعلا كنت محتاجه أنى انام مع احمد اخويا علشان ما يحسش أنه وحيد هنا وعلشان اخفف عنه صډمه مۏت ماما .
يوسف ..... قولتلك مش عاوز اعزار وبراحتك يا حبيبتى .
ويا بخت سى احمد أخته .
قامت نور ودخلت على أوضاع وراحت على الحمام وخدت دوش وغيرت هدومها وبدأت تجهز اللبس اللى هاتلبسه فى العزا بتاع والدتها .
نزلت نور هى واحمد اخوها على تحت علشان الفطار .
نور ..... صباح الخير يا طنط .
صباح الخير يا عمو
نهله .... لا لا يا نور من هنا ورايح انا ماما وده يبقى بابا ماشى يا حبيبتى والكلام ليك انت كمان يا احمد احنا هنا كلنا عيله واحده ومن النهارده أنتم زى ولادى بالضبط .
الاب ..... عفارم عليكى يا نهله هو ده الكلام المضبوط .
نور ...... ربنا يخليكم لينا يارب ومتشكرة جدا على وقفتكم جنبنا امبارح . وبدأت ټعيط لما افتكرت مۏت مامتها .
يوسف هوفضل يطبطب عليها ويهديها .
ملك ...... اهدى يا حبيبتى واقرى لها الفاتحه وربنا يرحمها ويغفر لها انشاء الله .
احمد .... انشاء الله هى وبابا يارب .
قعدوا على السفرة علشان يفطروا بس نور واحمد كانوا فى خالص ومش بياكلوا اى حاجه وده اللى خلى يوسف ياخد باله وغمز لملك أخته .
ملك ...... ايه يا نور انتى وأحمد الاكل مش عاحبكم ولا ايه .
مش بتاكلوا ليه 
نور .... ابدا يا ملك مفيش حاجه والاكل حلو اوى بس انا ماليش نفس خالص والله كل انت يا احمد يا حبيبى .
احمد ..... وانا كمان ماليش
نفس ومش عاوز اكل .
نهله .... عجبك كده يا نور شوفتى علشان انتى مش بتاكلى أحمد كمان مش عاوز ياكل .
نور..... لا انا هاكل خلاص اهو يالا يا احمد انت كمان يا حبيبى .
سيف كان
صحى من النوم و لبس هدومه علشان يروح على كليته ويحضر محاضراته .
خرج سيف من اوضته وراح على مامته وسلم على مى أخته وبدأ يرخم عليها بهزار .
جهزتى الفطار يا مى ولا زى عاويدك دائما تاخرينى على الكليه .
مى .... اصطبح يا باشمهندس وقول يا صبح .
والفطار جاهز من بدرى اهو وأنت اللى ناموسيتك كحلى .
الام ..... ايوا كده من زمان ما شفتكوش بتهزروا مع بعض يا عيال .
سيف ..... اى خدمه يا امى ربنا يخليكى لينا يارب .
سيف ....ازيك يا جنه عامله ايه .
جنه .... الحمد لله يا سيف انا كويسه .
قعد سيف وفطر معاهم وشرب الشاى وخد بعضه ونزل على الكليه .
وبعد شويه كان وصل وشاف الكل عمال يتكلم على الفرح وعلى المۏت بس ما كنش فاهم حاجه خالص .
لمح خالد جاى عليه وكان باين على وشه الحزن .
سيف .... خير يا خالد مالك قالب وشك على الصبح ليه كده .
خالد ..... الصراحه يا سيف خبر وحش لسه عارفه دلوقتى.
سيف ....
ما تنطق يا عم انت فى ايه وخبر ايه اللى عرفته .
خالد ...... اصل نور ...... !!
سيف .... نور مالها يا خالد انطق 
خالد ..... اصل ام نور ماټت امبارح وسمعت ان نور حالتها صعبه جدا و تعبت وكانت فى المستشفى .
سيف .... انت بتقول ايه ده لسه فرح نور كان أول امبارح وامها ټموت امبارح هو فى ايه وايه اللى بيحصل
ده .
انا برده كنت مستغرب انها تتجوز وبسرعه دى ومامتها كانت تعبانه وحالتها خطېرة .
خالد ....... مش عارف والله يا سيف اكيد فى سر فى كل اللى بيحصل ده .
سيف ..... طيب والعزاء امتى علشان نعمل
الواجب .
خالد .... انا عرفت أنه فى مسجد مصطفى محمود بالمهندسين.
سيف ..... تمام يا خالد نبقى نروح مع بعضنا انا وانت باليل .
خالد .... اكيد طبعا يا سيف لازم نروح ونقوم بالواجب دى مهما كان زميليتنا .
خلصوا فطارهم والوقت عدى وبدأوا يستعدوا علشان يروحوا العزا ويكونوا فى استقبال المعزيين .
نزلت نور هى ويوسف بعد ما لبست بنطلون اسود وبلوزة سودا وركبوا عربيتهم .
ونزلت نهله وجوزها مع بعض وركبوا عربيتهم .
ونزلت ملك بعد ما طلبت أن احمد يركب معاها عربيتها ويروحوا مع بعض على مسجد الدكتور مصطفى محمود .
دخلت نور وملك ونهله على المكان اللى مجهز للحريم وبدؤوا يستقبلوا المعزيين .
وكانت رضوى صاحبتها اول واحده تحضر علشان تكون جنب صديقتها فى وقت زى ده .
ووقف يوسف وباباه علشان يستقبلوا المعزيين اللى جم العزا وكان من ضمنهم اعمام نور اللى فى البلد .
جم علشان يقدموا واجب العزاء علشان خاطر ولاد اخوهم نور واحمد .
جه ناس كتير من زمايل نور وزمايل يوسف فى الكليه وفضلوا واقفين مع يوسف ونور لمده طويله .
وجه ناس كتير من جيران ام نور علشان يعزوا نور ويكونوا جنبها فى الوقت ده .
نور كانت واقفه ومن كتر الوقفه كانت بدأت تحس بالتعب الشديد .
رضوى وملك خدوا بالهم من كده وطلبت منها رضوى انها تروح معاها الحمام تغسل وشها علشان تفوق شويه .
ملك كانت راحه معاهم بس نور قالتها خليكى انتى ورضوى معايا يا ملك.
رضوى مسكت اديها وسندتها لحد الحمام ودخلوا وبدأت نور تغسل وشها بس اتفتحت فى العياط وفضلت ټعيط لما افتكرت مامتها .
رضوى فضلت تهديها وتواسيها وخدتها وخرجت على بره .
ويا دوبك لسه خارجين من باب الحمام نور لمحت سيف جاى عليهم كان داخل الحمام هو كمان .
سيف قرب منهم ووجه كلامه لنور .
سيف ..... البقاء لله يا نور .
نور ..... ونعم بالله يا سيف .
سيف ..... عامله ايه يا نور .
نور بدأت ټعيط ورضوى فضلت تهديها وسيف كان هايتجنن على منظرها والحاله اللى هى فيها دى .
سيف ...... ارجوكى يا نور اهدى علشان خاطرى ما تعمليش فى نفسك كده .
نور...... ماما ماټت يا سيف وسابتنا .
سيف .... ربنا هايرحمها باذن الله المهم انتى خلى بالك من نفسك علشان خاطر اخوكى .
نور ..... ارجوك يا سيف اوعى تفهم اللى حصل ده غلط واوعى تظلمنى .
سيف ..... مش وقته يا نور الكلام ده خالص .
رضوى اتفاجات ولمحت حد جاى عليهم وهما واقفين .
رضوى اتفاجأت ولمحت حد جاى من على بعد وقرب نحيتهم .
رضوى ...... امشى بسرعه يا سيف ملك جايه علينا وممكن تشوفنا ادخل الحمام بسرعه ارجوك .
سيف .... ملك مين وامشى ليه 
نور ...... امشى يا سيف بسرعه وانا هابقى افهمك على كل حاجه .
وفعلا مشى سيف ودخل على الحمام وقربت منهم ملك .
ملك .... ايه يا نور ايه اللى اخركم كده ده انا قلقت عليكى وقلت اجى اشوف فيه ايه لا تكونى تعبتى وانتى مع رضوى لوحدكم .
ومين اللى كان واقف معاكم ده ملحقتش اشوف وشه 
رضوى .... بصت
لنور وكانت خاېفه لا تكون ملك شافت سيف وردت وقالت
ابدا يا ملك ده واحد كان بظروفها داخل على الحمام وانا سانده نور وعرض علينا المساعده بس نور ما رديتش .
ملك .... طب كويس أن انا جيت يالا يا حبيبتى علشان ما نتأخرش عليهم اكتر من كده زمان ماما قلقانه عليكى .
وفعلا مسكت ايد نور هى ورضوى لحد ما وصلوا المكان المخصص للعزا وكان معظم الناس مشيت ومفيش حد كتير
وبعد حوالى نصف ساعه كان جه يوسف هو وباباه واحمد اخو نور علشان يطمنوا عليهم ويخدوا بعضهم ويرجعوا على الفيلا .
وفعلا ركبوا العربيات وملك اتفقت مع يوسف أنها توصل رضوى على بيتها .
وركبت رضوى مع ملك العربيه وفضلوا يدردشوا شويه طول الطريق لحد ما وصلتها للبيت.
وفى عربيه يوسف كانت نور قاعده مش بتتكلم خالص وكان باين على ملامحها الإرهاق والتعب والحزن .
يوسف عنها شويه الحاله اللى هى كانت فيها .
وبعد شويه كانوا وصلوا على الفيلا وفتح لهم البواب الباب ودخلوا وركنوا عربياتهم ودخلوا على جوا .
نهله طلبت من الشغاله انها تجهز العشاء بسرعه علشان تعبانين اوى .
طلعت نور هى ويوسف على اوضتهم وبدؤوا يغيروا ويوسف دخل وخد دوش علشان يفوق شويه .
خلصت نور ووقفت اودام التسريحه علشان تسرح شعرها .
يوسف
نور .... لو سمحت يا يوسف انا تعبانه ومش وقته خالص اللى انت بتعمله ده .
يوسف .... وأنه مش قصده اى حاجه 
نور .... معلش يا يوسف حاول تستحملنى شويه انت مش حاسس باللى جوايا واللى انا حاسه بيه .
يوسف ..... ازاى تقولى كده يا نور لا طبعا حاسس بيكى وباللى جواكى وعارف اد ايه
انتى زعلانه على مامتك .
واوعدك أنى هافضل جنبك دائما مهما يحصل انتى حياتى وعمرى وحبيبتى يا نور .
الباب خبط وكانت ملك هى اللى بتخبط .
يوسف قرب من الباب وفتح ولقى ملك .
يوسف ...... عاوزة ايه يا زفته انتى 
ملك .... اخرتها عجبك كده يا نور شوفتى بيقول عليا ايه 
نور .... معلش يا ملك حقك عليا انا هو مش يقصد .
يوسف .... لا انا قاصد دى بت رخمه ورزله كمان انتى ما تعرفهاش يا نور كويس وبعدين عاوزة ايه بقى يا ملك هانم .ملك .... العشاء جاهز يا أستاذ يالا انزلوا ومش وقت نحنحه وهيحححح فاهمنى وجريت بسرعه من اودامه .
يوسف جرى وراها لحد ما نزلوا على تحت وقامت ملك مستخبيه فى ضهر احمد اخو نور .
يوسف .... ابعد يا احمد انت عن البت دى لازم اوريها .
ملك .... اوعى يا احمد ده متوحش اوعى تسيبنى ليه ارجوك .
احمد .... حقك عليا انا يا يوسف علشان خاطرى دى ملك طيبه وغلبانه .
يوسف .... ملك ايه 
ده انت طيب اوى دى سوسه وانا لازم اوريها .
الاب .... خلاص بقى يا اولاد الاكل هايبرد .
نهله .... معلش المرة دى يا يوسف علشان خاطر احمد .
يوسف شاف نور نازله من على السلم ووشها مبتسم من اللى بيحصل فافرح من جواه اوى لانها ابتسمت من هزاره هو ملك .
يوسف .... ماشى يا امى سماح المرة دى بس علشان خاطر احمد ونور كمان .
ملك .... اخيرا اووووف عليك يا شيخ انسان بارد .
يوسف .... انتى تانى يا بت لمى لسانك الطويل ده اللى عاوز قطعه .
الكل كان بيضحك عليهم وعلى طريقه كلامهم مع بعض وقعدوا علشان يتعشوا بعد يوم تعب وارهاق طويل .
فى بيت سيف كان سيف رجع ودخل وغير هدومه وفضل قاعد فى البلكونه بتاعه اوضته يفتكر كل اللى حصل من لحظه ما شاف نور والكلام اللى اتقال منه ومنها لحد ما سابهم ودخل الحمام لما ملك جت .
سيف كان سرحان ومحسش بالباب لما اتفتح ودخلت مى أخته علشان تطمن عليه .
مى ..... احم. احم ده انت فى عالم تانى خالص وسرحان كمان .
مالك يا سيف فى ايه وايه اللى بتفكر فيه .
سيف .... ايه ده انتى هنا من امتى ما حستش بيكى .
مى ... انا هنا من شويه وخبطت على الباب وانت ما ردتش فدخلت علشان اطمن عليك واقولك أن الاكل جاهز .
سيف .... لا مليش نفس يا مى كولوا أنتم بالهنا والشفا .
مى .... بقى ماما قاعده من بدرى مستنياك لما ترجع وما رديتش تاكل وفى الاخر تقول ماليش نفس .
سيف .... معلش يا مى روحى انتى وكلى مع ماما وجنه بجد ماليش نفس خالص وهنام علشان اصحى بدرى للكليه .
مى .... ماشى يا سيف براحتك وانا هاروح اتعشى أنا وهما يالا سلام .
خرجت مى وسيف قام ونام على سريره بس مكنش عارف ينام خالص من كتر التفكير فى كلام نور وكان قصدها ايه لما قالتله انت مش عارف حاجه وما تظلمنيش .
فى اوضه نور ويوسف كانوا خلصوا اكلهم وطلعوا على اوضتهم وناموا 
نور
تصبح على خير يا يوسف لانى فعلا تعبانه اوى وعاوزة انام .
يوسف ... وانتى من اهله يا حبيبه يوسف وقلب يوسف من جوه .
عدى كذا يوم بعد وفاه ام نور وبدأت نور تهدى شويه عن الاول .
احمد اخوها
بدأ يرجع المدرسه بتاعته علشان امتحاناته قربت وهو فى الشهاده الاعداديه وعاوزة مزاكرة كتير .
نور ويوسف كانوا بدؤا يلبسوا علشان يروحوا للكليه مع بعضهم ودى كانت اول مرة يروحوا مع بعض بعد الجواز .
جهزوا نفسهم هما الاتنين ويوسف شاف نور واقفه بتسرح شعرها وخلص قام .
نور ووعدها أنهم هايسافروا شهر عسل جديد بعد ما يخلصوا امتحاناتهم فى الكليه فى المكان اللى هى تختاره ونفسها تروحه .
نور..... انت بتتكلم جد يا يوسف وهانسافر 
يوسف .... اه طبعا يا حبيبتى علشان نغير جو وتقضى شهر العسل اللى معرفناش نقضيه بسبب اللى حصل وعلشان كمان عاوز الففك العالم كله.
نزلوا على تحت وصبحوا على نهله وعلى باباه وكانت ملك هى كمان جاهزة علشان تروح جامعتها لأنها بقالها فترة مرحتش بسبب الظروف اللى هما كانوا فيها .
يوسف ..... ازيك يا بت يا ملك لابسه وراحه على فين دلوقتى 
ملك ..... ابدا يا باشا عندى ميعاد فى شارع الهرم فى اللى بشتغل فيه ايه رايك 
يوسف .... اصطبحى يا بلوة انتى ورودى كويس .
ملك .... هاكون راحه فين يعنى راحه الجامعه يا ظريف .
يوسف ... ما تقولى كده من الاول ولا لازم لسانك الطويل ده .
ملك .... انا سكتالك بس علشان اللى جنبك دى وبتبص على نور .
نور ...... ههههههههه شكرا يا ملك ده من ذوقك يا حبيبتى .
يوسف .... المهم اخلصى علشان متأخرناش يالا سلام .
نور .... ثوانى يا يوسف علشان ناخد احمد نوديه على المدرسه فى سكتنا واحنا رايحين الكليه .
ملك .... لا انا اللى هاخد احمد امشوا انتم وانا اللى هاوصله فى سكتى يا شباب .
نور .... مش عارفه اقولك ايه يا ملك بجد
ملك .... ماتقوليش كده يا نور احمد ده اخويا الصغير .
نهله .... ربنا يحفظكم ويبارك فيكم كلكم يا ولاد