فراشه فوق الڼار مفيو سلطان

 

ليك عندي حاجه. انا كرامتي فوق الكل وان شالله ادب صوباعي في عينه وعينك ما يهمنيش. 
ليتنهد ويعلم ان اخر الحوار وڠضبها سيجعلها تترك العمل ليهتف.... طب خلاص اكتمي دا يوم جاز. 
لتهتف حانقه .... جاز وزفت وقطران. 
لېصرخ... خلصنا بقه ايه ده مبرد اقول كلمه ترازيني بعشره. 
لتسكت غاضبه تاكل روحها لتهتف..... طب نزلني اما غور. 
ليهتف... طب والحفله..
لتنظر اليه مبهوته.... نعم يا خويا حفله ايه. 
ليهتف..... اللي هنتهبب نحضرها ويلا بلاش غباوه انزلي.
لتنظر اليه وتظل جالسه
لېصرخ..... ماتيلا

لتهتف..... انا مش هخش معاك في حته عشان ماترجعش تقلي بصطاد رجاله وانا اهوه احبسني ولا يهمني. 
ليهتف.. استغفر الله يا رب.. يا بنتي حد مسلطك عليا.. طب خلاص ماهتنيلش اقول وانت حلوه وشاطره وكويسه يلا. 
لتهتف. هو ايه مركب عيله انت غلطت فيا انت والطور التاني. 
لينفعل.... ماتحترمي نفسك بقه تاني ايه يعني انا طور اولاني اتلمي.. خلاص زفت حقك عليا ها خلصنا..
لتنظر اليه بتعالي.. يلا هعديها بس تبقي تتكرر تاني والله ماهيهمني حد. 
ليهتف..... حوش حوش ال يعني البت همها حد يلا ياختي واياك الاقيكي بتكلمي حد..
لتنزل من العربه وتتجه الي الحفله لياخذها ويظل معها طول الليل كان ملتصقا بها وكلما اتي احدا وابدي اعجابه بها اصابه الڠضب ولم يعرف لماذا يشتعل هكذا لياتي سعد مره اخري لتنظر اليه پغضب ليهتف.. ايه يا كبير هو مافيش الا كارما ما الحفله مليانه مزز.
ليهتف جراح.. سعد انت عارف اني ماليش في السكه دي اهمد.
ليقترب من كارما وينظر اليها بوقاحه ليشتعل جراح بس انا ليا. ماتيجي يا كوكو نهيص شويه.
لتهم ان توبخه. ليشدها جراح حتي لا تفتعل ڤضيحه ليهتف لا احنا ماشين وسايبينك تهيص ليشدها ويخرج بها وهيا تتلوي وتهتف اوعي والله ماهسكتله ديل الكلب ده اوعي هو فاكرني ايه شمال وهو شكل ابو قردان اوعي.
ليهتف.. بس خلاص... هنتفضح.
لتصرخ ماتتفضحو انتو تستحقو الڤضيحه اوعي.
ليهتف اهمدي بقه ايه حريقه.
لتصرخ.. ايه عاجبك قوي قله ادبه هتركب قرون سيادتك كت قلي اجبهملك معايا.
ليلوي ذراعها.. لمي لسانك احسنلك جا كان يوم اسود يوم ماتحدفتي عليا..
لتصرخ.. قطران مش اسود.. وزعلان ايه هاه انت بتسكت انا مابسكتش.
لېصرخ خلاص هتنيل اكلمه كفايه حرقتيلي اعصابي يا شيخه منك لله .
لتهتف.. ماترفدني دا ايه النصايب دي.
ليقترب ويهزها اخرسي بقه والله هديكي بونيه اغيرلك معالم وشك.
لتهتف حانقه.. لا والله تعالي مد صباع كده ان ما قفشت في رقبتك وعملتلك ڤضيحه واقول پيتحرش بيا والله ادخلك السچن.
ليبهت وينظر اليها ليتحول عينيه بخبث ليهتف.. اكن انا هتحرش بيكي ليقترب منها لتبتلع ريقها لتهتف ايه بتقرب ليه انت عيب كده. بطل تبص قله ادب ايه ده.
ليضحك هو... اكن ابطل ابص قله ادب يا شيخه انت تطولي جراح الجالي يبصلك.
لتقترب وتقف بجواره وتقيس نفسها ليستعجب انت بتعملي ايه.
لتهتف.. بشوف طولي عشان لو طولت ابقي اقطع حته من راسي عشان ماتبصش ليا.
لينظر اليها نبهوتا انت مخبوله اقسم بالله.. دانا بيحرو ورايا.
لتهتف... ماهو الخبل بيجي لناس ربنا يشفيهم.
ليشدها اليه ويهتف ليه ماعجبش سيادتك. مركز وفلوس وهيبه ماليش زي.
لتدفعه وتهتف.... انت ليه دايما بتتكلم من حته القوه والفلوس.. ماتعرفش حاجه اسمها لين ومحبه. انت بجد ناقصك كتير قوي. اخرتها هتتجوز واحده شكلك. دا اللي متاكده منه. قوه وفلوس وهيبه بس بيوتكو
ناقصها الدفا. عارف يعني ايه دفا لتقترب منه وتهمس بلين يعني حضڼ في ليله برد مافيش غيره يدفيك لتضع يدها علي قلبه لينبض بقوه. يعني ده يدق ويعيش يدق لحبيبه العمر كله انتو ناقصكو قلوب يا باشا واحنا ناقصنا فلوس بس نقص الفلوس يتعالج نقص القلوب مالوش دوا. ليظل ساهما فيها وبداخله مشاعر غريبه فهو قاسې ليس له في المشاعر 
لتنتهي الحفل لتهم ان تنصرف ليهتف مندفعا..... راحه فين. 
لتقول..... ايه همشي. 
ليقول.... ليه ماشيه مع سوسن.. استني اوصلك. 
لتهتف.... لا يا مستر جراح ماينفعش احنا ساكنين في حته شعبيه. 
ليهتف.... وانا مش هسيبك تروحي لوحدك بلبسك ده يلا لتعترض ليهتف والله لو روحك طلعت اركبي..
لتستسلم وتركب ليطير بها لتاتي قبل الشارع وتقول.... معلش نزلتي هنا
ليقول.... برضه انت دماغك حجر مانت ركبتي..
لتهتف.... اه ركبت انت رئيسي وانا كلمت ماما وقلتلها يعني مابستخبش بس احنا ناس مالناش الا سمعتنا يا باشا.. يلا تصبح علي خير.. وتتركه وتنزل ليظل يتابعها وكلماتها قد اثارت اعجابه فهيا شعله من الڼار بسيطه في نفسها ولكنها قويه لا يستهان بها ليتنهد ويعود الي بيته.
...
كان يجلس زيدان ومعه دولي يتناقشان في بعض المناقصات لتدخل عليهم السكرتيره لتخبره بوجود غريمه وعدوه اللدود في الخارج.. ليستغرب زيدان. 
لتهتف دولي. وسي زفت ده ايه اللي جابه ليأمر زيدان السكرتيره بإدخاله
ليدخل عليهم بهيبته فكان شخصا منمقا ذو مستوي عالي في المظهر.. كان رجلا جامدا وشديدا.. ليدخل ليهتف.. زيدان باشا وحشتني يا راجل جيت اشوفك..
كان زيدان جامدا وعلي وجهه علامه السخريه..
. لتهتف دولي ودا من امتي ايه اللي حدفك علينا..
ليضحك هو ويقول طول عمرك هتفضلي قطر كده ماعرفش انت ازاي كده ومستحمله نفسك يا شيخه.. نسخه زيدان الامير دا حتي زيدان عنده شويه حنيه يا شيخه.
لتصرخ به..... ماتلم نفسك انت جاي تهزأنا في شركتنا..
ليهتف زيدان.. دولي كفايه وسيبيلي حبيبي نتكلم براحتنا لتقوم وهيا تنظر اليه شذرا وترحل...
ليتكلم الاخر... عملت خير مش ناقصين حرقه اعصاب كفايه اللي جاي..
ليدخل عليهم علي عندما علم بوجوده في المكان.. ليهتف علي خطوه سعيده يا باشا منور الشركه مش تقول كنا عملنالك كهارب..
ليضحك هو... لا سيب الكهارب عليا انا جاي احطها بنفسي عموما يا زيدان بيه مش هطول عليك وقام وقف من مكانه وقال انا كنت جاي بس ابشرك عشان انت حبيبي زي مانت عارف..ابشرك ان مناقصه الورداني انا لسه ماضيها. 
ليتحكم زيدان في غضبه بصعوبه ويرسم الابتسامه الساخره ويقول..... الف مبروك..
ليضحك هو.. الله يبارك فيك.. عقبالك.. اسيبكو بقه عشان عندي ساونا اروح اضبط نفسي كده كان يوم متعب.. سلام يا شباب .لينطلق ضاحكا
ليقوم زيدان ويحدف احد اجزاء المكتب علي الارض من غضبه.. الزباله جاي يقلي اني خسړت المناقصه. طب يا كلب ان ماوريتك.
. ليهتف علي.... اهدي يا زيدان الورداني اصلا مالوش كلمه راجل خفيف الشغل معاه كان هيقرفنا.
لېصرخ زيدان.... بس مايجيش ده ويعلم علينا.. دا بقت عيشته سوده محراب شړ يا ساتر.. ليحاول علي ان يهديه وظل زيدان مزاجه سئ لبقيه اليوم... احس بالتعب لياتي المساء ليجد اتصالا من جيدا ليجدها تقول له.. بقلك ايه يا زيدو... انا خارجه انهارده وراحه ملجأ قريب من عندك.. اخلص وتقابلني والا مشغول. 
ليهتف.. ولو مشغول يا قلب زيدو نفضيلك مساحه تبرطع فيها يا قمر..
لتهتف.... طب خلاص يلا اشوفك بقه.
ليهمس هتوحشيني.. لتبتسم وتقفل الخط ليظل مغمض العينين من الارهاق والتعب..
ذهبت جيدا الي الملجأ وكانت سعيده وسط الاطفال وكيف انها
تستطيع اسعادهم.. كانت متعلقه بالدار كثيرا ومعظم زيارتها لها فالكل هناك كان يحبها وكانو يحسون منها بالكثير من الحنان..انهت جيدا الزياره لتخرج لتقابل زيدان وكانت قد لحقها احد العاملين بالدار لشكرها فكان الشاب يري ان جيدا تفعل الكثير لهم فكان معجب بها بشده ولكنه شخصيه خجوله فكان واقفا يحاول التكلم واخذ الكثير من الوقت لكي يتكلم معها وكانت هيا صبوره حنونه لم تحرجه وتعلم انه خجول.
وكان هناك من ينتظرها وقلبه ېحترق وهو يراها تقف وتبتسم بهدوء لهذا الشاب.. اراد ان ينزل ويشبعه ضړبا فهو ينظر اليها بحب وهو يدرك تلك النظره احس بالحړق داخله والشاب اخرج شيئا من جيبه واعطاها له لتبتسم هيا بشده وتاخذها ثم استدارت وودعت هيا الشاب وتتجه لتركب معه.
وما ان ركبت حتي طار بالعربه من غضبه الشديد فشعرت بالخۏف الشديد لتهتف زيدان فيه ايه براحه..
ليهتف.. ماسمعش صوتك لحد مانوصل..
فخاڤت وسكتت وهيا لا تعلم ماذا تفعل ليتوقف في احد الاماكن الهادئه وظل صامتا لفتره وهو يحاول ان يتماسك.. ليهتف بسخط وغيظ... اداكي ايه..
فنظرت اليه.... هو مين
لېصرخ في وجهها.... الواد المايع اللي سيادتك كنت واقفه معاه اداكي ايه انطقي خلاكي قلبك هيقف من الفرحه اوي.
. لتنظر اليه مصعوقه من طريقه تفكيره.. ليبدا الڠضب يغزوها والدموع تتجمع في مقلتيها فهتفت.. زيدان لو سمحت اهدا انا مش قابله طريقه كلامك دي..
ليمسكها من يدها ويضغط عليها..... يمين بالله لو اقلتي اداكي ايه انا مش مسئول عن الغليان اللي جوايا..
لتصرخ ايدي يا اخي واجهشت بالبكاء وما ان فعلت حتي احس بانه تهور قليلا فرده فعله بشانها تكون مبالغ فيها ليحاول ان يتحكم في نفسه خصوصا ان دموعها تتساقط بشده في صمت..
لتقوم هيا باخراج شيئا من شنطتها وتقذفها عليه وتقول له..... اتفضل عشان تكمل اهانات بزياده وتبقي عن حق..
ليجد علي رجليه ميداليه بسيطه مصنوعه من الخذف ذو قلبين قلب منهن مكتوب فيها فتيات الدار والقلب الاخر اسمها.. كانت هديه من فتيات الدار اليها ليلعن نفسه ويشتمها في صمت
اما هيا .... هتفت پعنف.. لو سمحت وديني الدار.. السواق هناك.. لم يرد عليها كان يستجمع نفسه لتصرخ بقلك وديني الدار رد فعله ان اوقف موتور العربه وارجع راسه للخلف ورمي الدلايه علي تابلوه العربه دليل علي حنقه الشديد كان غاضبا من نفسه لتسرعه وغضبه الشديد فهو يغير عليها بشده.. ليقول ممكن تهدي ونتكلم..
لتصرخ به مش عايزه اتكلم معاك مشيني من هنا..
ليرد بحزم.... مش هتمشي يا جيدا فاهدي بقه..
لتنظر اليه پغضب ثم تستدير وتمد يدها لتاخذ الميداليا وتضعها في شنطتها پغضب وتجلس صامته كانت تعلم انه ما ان يقول شئ ينفذه فهو لن يتركها حتي يصالحها وتستجيب له فهذه عادته.. فغيرته اصبحت تنغص خروجاتهم.. فقررت ان لا تستجيب لمغازلته لها..
ليتنهد ويستدير اليها طب عايزاني اتصرف ازاي وانا شايفك واقفه مبسوطه والواد ده نازل تسبيل انت مش شايفه وشه بيبصلك ازاي الواد ده عينه منك .. لا ويديلك هديه واحس انك كانك ماجلكش حاجه قبل كده والفرحه خطفت قلبك.. عايزاني ايه ابقي تلاجه مانا اكيد هولع.. هو انت ماشيه مع سوسو والا ايه..
لتهتف غاضبه... دي مش عيشه بجد كل خروجه زعيق علي الرجاله هو انت مش واثق فيا ليه عملت ايه عشان ماتثقش فيا وغلبت اقولك طريقتك دي بتخنق انما انت مفيش
فايده.... متهيالي احنا لازم نفكر تاني في

العلاقه دي.. انا مش حمل كده وانا تعبت تعبت بقه يا اخي... لتبكي.
ليحس بسقوط قلبه في قدميه.. طب اهدي..
لتصرخ به... ماتقليش اهدي مش كل مره تضحك عليا انت قاسې ليه كده ساعات بتبقي حنين وساعات بشوف فيك اخويا... زيدان انا