سهم الهوى إمرأةالجاسر الفصل الثالث عشر "قيد الكتابة" ل سعامحمد سلامه

فراس من خلف الأؤرجوحه وجلس بالمنتصف بينهن يضحك على فزعهن... صڤعته فايا على كتفه بقوة قائله 
فزعتنا يا حيوان.
ضحك قائلا 
إنتم اللى رغايين ومحستوش بيا.
نظرت له تاج 
مش هتكبر عالحركات دي تتسحب زي الحرامي بعدين إيه اللى صحاك دلوقتي... مش كنت نايم.
تثائب قائلا 
معرفش إيه اللى صحاني فجأة من النوم.
نظرت له فايا قائله 
يمكن بتحب ومشغول بالك.
ضحك فراس قائلا 
ياريت.
ضحكت فايا وغمزت ل تاج ثم سألت فراس 
أه من الحق قولى إيه حكاية البنت السكرتيرة الجديدة اللى فى مكتبك دي كل ما أجيلك المكتب القاها نايمه أتصل على مكتبك ترد عليا وهي بتتاوب.
ضحك قائلا 
دي إتوظفت مع المحاسبين الجداد هي كسولة شويه بس بدأت تتعلم الشغل.
غمزت تاج قائله 
وإيه اللى يخليك تستحمل كسلها أرفدها.
تحابث قائلا 
لاء في عقد بينها وبين الشركه لو إترفدت بدون سبب هندفع لها شرط جزائي وخساره فيها.
ضحكن الإثنين وفهمن أن فراس متمسك بها لسبب ما... بنفس اللحظة 
وضعن الإثنين رؤوسهن فوق كتفي فراس الذي تبسم لهن تحدثت فايا بمرح 
إصلب ظهرك كويسك لأكتفك يميل بينا.
تنهد بقوة قائلا بحنان أخوي 
لاء إطمنوا عمر كتفي ما يميل بيكم... بالذات إنت يا سفروته حته قد كده إنما تاج طبعا عود البط
تبسمن له سرعان ما صڤعته فايا بخفه على صدره قائله 
طب إتلم بقى.
ضحك فراس قائلا 
لو سمعتى العميل الإنجليزي وهو بيمدح فيهاكنت عاوز أقوله لو جاسر سمعك مش هكتفي بقطع لسانك.
تذمرت تاج بمرح وتبسمت فايا قائله 
كفاية بلاش سيرة الإنجليزي
ولا عود البطل لأحسن جاسر جاي علينا ولو سمعك بتقول كده على تاج مش بعيد يسافر لندن يفقع للعميل عنيه ويقطع لسانه وإنت هتبقى عود لوحدك.
تبسم قائلا 
وعلى إيه دي أختي الكبيرة ولازم أحترمها قدام جوزها.
ضحكن بينما خفق قلب تاج ووقفت قائله بسؤال ولهفه 
إيه اللى صحاك.
إبتسم وهو يقترب قائلا ببساطة
صحيتيمكن من حظي الجو حلو الليلة خلونا نسهر إحنا الأربعة زي زمان.
وافق كل من فايا وفراس وإمتثلت تاج لذلك 
جلس الأربع يتذكرون لمحات سعيدة من الماضيوبعض الالعاب الصيبيانيه لهم قبل أن تنجرف الطرق...سهرة بسيطة بينهم الأربع مر معظم الليل سريعا. 
.....
قبل وقت قليل 
عبر زجاج شرفة غرفتها رأت جلوس فايا وحدها غص قلبها عليها آسفا وفكرت أن تنزل تجلس معها لكن تراجعت حين رأت تاج تقترب منها وجلسن معا ثم مشاغبة فراس لهن كعادته 
معهن تبسمت بدمعة عين وهي تتذكر طفولتهم وحنين فريد لأن يعود لم شملهم مرة أخري بمكان واحد لكن حين تحقق ذلك الحنين سرعان ما زالت السعادة ورحل... 
تنهدت بشوق لحبها الوحيد.. بنفس الوقت سمعت طرق على باب غرفتها سمحت بالدخول... دخلت عليها نجوي وتبسمت لها قائله 
إنت لسه صاحيه.
أجابتها 
أيوة... وكنت جاية لك مخصوص عاوزة اتكلم معاك فى موضوع.
تنهدت قائله
عندي إحساس بالموضوع اللى هتكلميني فيه بلاش وتعالي شوفي.
إقتربت نجوي من زجاج الشرفه ونظرت الى مكان تلك الأؤرجوحه وتبسمت قائله
زي عادتهم القديمة.
تنهدت جنات بآسف
كان أمل فريد نرجع نعيش كلنا من تاني مع بعض بس للآسف اللى حصل دمرنا كلنا...بالذات تاج قلبي حاسس إنها مش سعيدة مع جاسر فى شئ ناقصهم.
تنهدت نجوي قائله بمواساة
لاء مفيش شئ ناقصهم والدليل قدامك أهو شوفى.
نظرت جنات سرعان ما تبسمت وهي ترا جاسر إنضم لهما جوار تاج
نفسي فى حفيد من تاج وجاسر يمكن ده اللى يزيل الحاجز اللى بينهم.
تفوهت نجوي
مفيش حاجز بينهم ولا حاجه إنت اللى بسبب الفضا الكتير بقي عقلك يخيلك حاجات مش موجودة...تعالى نقعد نتكلم براحتنا.
جلسن على أحد المقاعد نظرت نجوي لها فهمت جنات نظرتها وصمتت بينما نجوي تحدثت قائله 
ليه مش موافقة على الجواز من خليل