سهم الهوى إمرأةالجاسر الفصل السادس"قيد الكتابة" ل سعامحمد سلامه

بداخله همس 
من جه بلاش راح بلاش 
فى صباح جديد 
بالشركة 
تحدث فراس لتلك المسؤوله قائلا 
برضوا الموظفة الجديدة مجتش النهاردة 
أجابته 
أيوا يا أفندم الإتنين التانين إستلموا اماكنهم وهي حتى متصلتش تقدم أي عذر 
تنهد بسأم قائلا 
تمام إتصلي على رقم الموبايل اللى كان فى ملف التقديم بتاعها وعرفيهم خلال يومين بالظبط لو مجتش تستلم وظيفتها مجبورة تدفع الشرط الجزائي اللى فى العقد 
استغربت المسؤوله من ذلك لكن لم تعترض هي مجرد مسؤولة لا أكثر وعليها تنفيذ ما يطلب منها 
بينما دخل فراس لمكتبه ينتقد عقله لماذا تصر هكذا على تلك البلهاء وأنت لا تحتاجها للعمل 
والجواب 
عاوز أخلص تاري منها الغبيه دي دى كمان وقحة انا فى الانترفيوا تقولى أن مؤهلاتها سواء الدراسيه او الشكلية غير مؤهلة للوظيفة طبعا مفكراني بختار عروسه ماشي يا ليان 
بالجونة
إبتسمت بإنشراح وهي تأخذ الباقه منه بسعادة تستنشق عبقها قائله 
صباح النور يظهر إنى نمت من غير ما أحس 
أومأ لها بتوافق قائلا بتبرير 
يمكن بسبب الإرهاق الايام اللى فاتت 
أومأت ببسمة وهى تنظر لباقة الزهور قائله 
ميرسي عالورد 
تبسم لها ثم
تفوه 
الورد من إدارة الفندق 
يعلم أنه كاذب فهو من طلب باقة الزهور تبدلت بسمة تاج ببسمة خاڤتة وقالت 
أكيد طبعا عندهم ذوق 
إنت خارج 
أجابها بوضوح 
أيوه أنا هنا فى شغل تصوير إعلان سيارات 
صدمة أخرى منه إذن ليست رحلة خاصة لهما بدأت ملامحها تعبس لاحظ جاسر ذلك وتلك النظرة بعينيها فقال بتبرير 
أنا مكنتش موافق عالاعلان بس مدير أعمالي وافق وقال الاعلان هيبقى هنا قولت فرصة أهو إعلان وإستجمام فى نفس الوقت 
يبرر بخطأ منه وكذب وهي الصورة تتضح أمامها أنها كما قال سابقا رغبة ولكن إن كانت كذالك لما تركها ليلة أمس نائمة والجواب لم يحتاج الى تفكير كثير حين أخرج تلك الورقة الصغيرة من جيبه ومد يده بها نحوها قائلا 
إتفضلي 
نظرت الى تلك الورقه قائله بسؤال 
ده إيه 
أجابها 
خدي وإقريها وإنت تعرفي 
أخذت الورقه من يده ونظرت نظرة خاطفه قائله 
ده شيك 
أجابها 
فعلا شيك تمن نص المزرعة 
ضاق بين حاجبيها وتسائلت بإستفهام 
إزاي تمن نص المزرعة المفروض أنا اللى أدفعلك تمنها مش العكس 
تبسم ولمعت عيناه بخداع 
ده تمن نص المزرعة مهرك زي ما إتفاقنا 
إرتجف قلبها وبدأت تفهم مقصده وقالت 
بس الإتفاق اللى بينا كان إنك تبيع ليا نص المزرعة 
أجابها ببرود وبساطة 
أنا مقولتش هبيع لك نص المزرعة قولت جوازنا قصاد نص المزرعة والشيك اللى فى إيدك فيه قيمة نص المزرعة بسعر النهاردة 
فهمت مقصد جاسر وتيقنت أنها وقعت بفخ خداع آخرلكن ربما ما تشعر به هو أقسي سهم توجه لقلبها سبب لها چرح قاسې فى حياتها لكن وهل إستسلمت لتلك السهام مهما كانت قاسيه أن تغلبها من قبل 
واهم أيها الجاسر 
يتبع