رواية ل ام فاطمه وأحمد
احسن الحمد لله متقلقش وكمان لازم أروح عشان نستعد لخطوبتك الجمعة الجاية إن شاءالله .
ركان بإندهاش .خطوبة كده على طول وكمان حضرتك تعبانة أنا مش عارف أنتم مستعجلين ليه كده اوى
فرد والده بغلظة عندك مانع تانى حضرتك
واحنا مش مستعجلين ولا حاجة احنا متفقين على ده أنا ووالدها من فترة .
طأطأ ركان رأسه بحرج متمتما خالص بدال حضرتك أتفقت يبقى أنا عليه أنفذ .
ثم غادر ركان سريعا حتى لا يرى أحد فى وجهه الضعف والكسرة .
وعند مغادرته نظر مجدى لزوجته بتهكم قائلا شوفتى رد إبنك عامل إزاى
والله أنا خاېف يحرجنا مع الناس
سهام..معلش يا مجدى هو بس ركان دماغه ناشفة زى اللى رباه .
مجدى .وليه متقوليش زى أبوه
فضحك رياض مهو اللى رباه ولا أبوه واحد ايه الفرق
مجدى بحرج اه اه يا رياض ويلا بينا نوصل والدتك والممرضة البيت .
رياضتمام توكلنا على الله .
سهام..هى ريم مجتش معاكم ليه
رياض..ريم قالت وراها محاضرة مهمة وهتطمن عليك بالتليفون لغاية مترجعى البيت بالسلامة.
سهام بحزن يعنى هى المحاضرة أهم منى
دى أخرة دلعك فيها يا مجدى قولتلك مش كده الدلع زيادة بيخلى الطفل يطلع أنانى ومش همه غير نفسه بس .
مجدى..متكبريش الموضوع يا سهام دى لسه عيله متفهمش كده وأكيد قالت بدال أخواتها الرجالة موجودين خلاص .
سهام ايوه أفضل دافع عنها كده .
والله أنا خاېفة من آخرة دلعها دى ربنا يستر عليها.
مجدى لا متخفيش دى بنت مجدى الزيات
محدش يقدر يدوسلها على طرف ولو حد فكر بس أوديه ورا الشمس .
تقابلت ريم مع حاتم المرشدى فى الجامعة .
حاتم مبتسما بتصنعريم إزيك
ريم بخجل مصطنع حاتم الحمد لله .
حاتم..متيجى نشرب كابتشينو ندفى شوية فى الجو
البرد ده .
ريموالمحاضرة
حاتم..متقلقيش جلال جوه وهو واد دحيح وبيحب يكتب كل حرف ورا الدكتور.
فلما يخلص هنخدها نصورها منه .
بس لو عايزة تحضرى مفيش مانع براحتك عن إذنك .
فابتسم حاتم بمكر قائلا..أنت ذوق وكيوت اوى يا ريم .
ريم مبتسمة ميرسى.
ثم توجها حيث طلب منها لإحتساء كوبا من القهوة المعدة باللبن وقد لمحها كريم فاستاء منها وحدث نفسه ملقتيش غير المرشدى يا ريم
يا ترى إيه عجبك فيه وأنا ملفتش نظرك فى حاجة
ثم ولج للمحاضرة بقلب محطم حزين على حبه عمره الضائع .
سدد حاتم النظر لريم حتى ارتبكت واحمرت وجنتيها خجلا .
حاتم ياه للدرجاتى بتكسفى ووشك بقه عامل زى الطماطمية أنا مكنتش متصور إنك بالجمال والرقة والخجل دى كله
هو عينى كانت عاميه عنك ليه كده
ريم بخجل ..مش عارفه
بس يعنى كتير بيقولوا إنى جميلة لكن أنا مش بيهمنى الثناء على شكلى أنا يهمنى شخصيتى أنا .
حاتم لا فعلا أنت مش بس جميلة لكن إنسانة واعية ومثقفة وشخصية جادة صراحة يعنى يا بخته اللى هتكونى من نصيبه .
ريم محدثة نفسها مهو انت نصيبى وقاعد قدامى أهو وفضلك بس زقة.
ريم..ميرسى كلك ذوق يا حاتم .
ومرت ساعة تبادلوا بها أطراف الحديث عن عدة مواضيع .
وأكثرها كانت مرحة لتضحك ريم مرارا وتكرارا ومضى الوقت حتى وجدت زملائها يخرجون من المحاضرة فأقبل إليهم جلال .
جلال بغمز حبيبى يا حتوم خد يا عم المحاضرة اهى صورها زى ما انت عايز .
بس بشرط .
حاتم إيه الشرط يا عم جلال
جلالنشترك فى الرحلة اللى طالعة دريم بارك بكره ان شاء الله خلينا نهيص ونتفسح يوم من نفسنا .
حاتم والله فكرة حلوة إيه رئيك يا ريم
ريم بإرتباك .أنا
حاتماه أنت .
أنا مش هطلع إلا وأنت معايا طبعا أنا خلاص أتعودت تكونى معايا ديما .
ريم محدثة نفسها ده خلاص شكله وقع وخاېفة لو رفضت يزعل بس اعمل ايه
واقولهم إيه فى البيت
حاتم ها رحتى فين
ريم مفيش بس يعنى دريم بارك سفر وأنا مش متعودة
أسافر مع أصحابى عشان بابا يعنى طبعه شديد شوية .
حاتم مش لازم تقوليلهم .
ريم إزاى ده سفر وأكيد هتأخر ولازم يعرفوا أنا فين
حاتم..لا عادى إحنا هنطلع مع شروق الشمس كانك رايحة الكلية ولو تأخرنا على المغرب مثلا وسئلوكى قولى رحنا نزور واحدة زميلتنا تعبانة أو اى حاجة متقلقيش .
كل حاجة وليها حل عندى .
فابتسمت ريم قائلة..ماشى الكلام خلاص بكرة معادنا أن شاءالله ومنين هنركب الأتوبيس
جلال بتلعثم .اه اتوبيس .
لا ما الأتوبيس كامل العدد عشان اتأخرنا فى الحجز فهنطلع بعربية حاتم ونحصلهم بإذن الله .
ريم پخوف .عربية حاتم بس يعنى
حاتم بس ايه شكلك مش واثقة فيه خلاص بلاش بلاها رحلة خالص .
وهستأذنك أمشى عشان مصدع.
ريملا لا مش كده خلاص ماشى نروح بالعربية.
حاتم بمكر..تمام هستناك الساعة سبعة الصبح
قدام الكلية أن شاءالله .
ريم.. تمام.
توجه ركان حيث محتجز مكة على ذمة قضية شروع فى قتل المدعو عباس وطلب مقابلتها .
هشام وكيل النيابة متحولش معاها والله يا سيادة النقيب .
هى تعبتنى من الصبح وبرده مصممة على الصمت ومش راضية تدافع عن نفسها وحتى رفضت محامى متبرع .
ركان..مش عارف
بس حاسس إن وراها سر هى مخبياه ولازم أعرفه .
هشامعلى العموم حاول يمكن .
وانا هبعت أجبها وهسيبك معاها دقيقتين يمكن تستجيب معاك .
ركان..تمام متشكر يا هشام .
وبالفعل تم إستدعاء مكة فولجت إليه بقلب ينبض بالحب ولكن حزين لايرى اى سبيل أمل فى الحياة أو فرصة لهذا الحب ليخرج للنور .
ظلت مكة واقفة أمامه متعمدة ألا تنظر لوجهه فلا تريد أن تضعف ويرى فى عينيها الحب .
أما هو فقد صمت للحظات فكم يود أن يضمها لصدره لتسمع دقات قلبه التى تنبض بحبها .
وود لو اخفاها بين أضلعه ليهرب بها إلى مكان ليس به سواهما فهى تكفيه عن باقى العالم .
حاول ركان إخراج صوته المكتوم قائلا..هنفضل واقفين كده كتير
مكة بإرتجاف كده أحسن .
وممكن أفهم حضرتك طلبت تشوفنى ليه
أظن أنا قولت معنديش اى كلام أضيفه ومعترفه ومستعدة للعقاپ فأظن وجود حضرتك ملهوش اى داعى .
فانفعل ركان ودفعها عدة مرات صارخاأنت عايزه تجنينى
مفيش حد بدون سبب إلا لو كان مريض نفسى.
مكة بغصة مريرة..خلاص أعتبرنى مريضة نفسيا.
ولو سمحت أنت ملكش أى حق يخليك تعاملنى بالطريقة دى وتمد ايدك كده أنا مسمحلكش .
واعتبر الزيارة انتهت ونادى على العسكرى يرجعنى الحجز .
زفر ركان ڠضبا قائلا ..تصورى إنى غلطان لما فكرت أجى وأساعد وحده زيك .
يلا فى ستين داهية وأنا مالى .
مكة محاولة حبس دموعها..ايوه .
أنت مالك بيه أنا أصلا بكرهك وبكره اليوم
اللى شوفتك فيه .
وياريت مشوفكش تانى .
لم تتم مكة كلماتها حتى شعرت پألم صڤعة على وجهها من ركان فقد صفعها بدون شعور من وقع كلماتها القاسېة عليه .
تألمت مكة .حسبى الله ونعم الوكيل.
أهتز قلب ركان من كلمتها .
وود لو قبل قدميها لتسامحه فقد فعل هذا رغما عنه وهى ما دفعته لذلك لإهانته وقولها إنها تكرهه بهذا الشكل وهى أحب الناس إلى قلبه .
ركان بضعف وندم مكة أنا اااااااا مش ..
مكة پقهر..لو سمحت مش عايزه أسمع ولا كلمة وكفاية لغاية كده أرجوك .
وفى هذه اللحظة ولج وكيل النيابة هشام قائلا ها إيه الأخبار عرفت تطلع منها بأى كلام .
مكة برجاء .لو سمحت يا باشا عايزه أرجع الحجز .
هشام بغلظة..ومستعجلة ليه يا هانم
ما أنت هتشرفى فيه سنين طويلة .
مكة بلا مبالاةوماله أهو أحسن من الغابة اللى بره .
انفعل هشام هو الأخر وقام بالنداء على العسكرى ليأخذها .
ولكن تصارعت نبضات قلبها بشدة وشعرت بالإعياء عند أول خطواتها للخارج مع العسكري ولم تتحملها قدامها فسقطت مغشى عليها ..
ففزع ركان وأسرع لها مردفا إسمها بقلق مكة _ مكة .
إندهش هشام من فعل ركان فهو معروف عنه بالقوة والجمود والصلابة أيأن لهذه الفتاة
وما سر أهتمامه بها
هل يعقل إنه يميل إليها
ولكنها فتاة عادية ليس بها شىء يميزها فضلا عن حالتها الأجتماعية وما زادها سوءا حپسها على ذمة قضية قتل فكيف بعد كل هذا يهتم بها
علمت إحدى السيدات أن المدعو عباس المجنى عليه فى قضية القټل التى قامت بها إبنة زوجته مكة يصارع المۏت فى إحدى المستشفيات فذهبت لزيارته .
وكانت حالته حرجة ولا يستطيع التحدث .
فطلبت زيارته ولكن رفض الطبيب ذلك لشدة حالته الصحية .
ولكنها ألحت على الطلب مرارا فاضطر الطبيب للموافقة .
بشرط ألا تكثر عليه بالحديث وهذا بعد أن أدعت إنها أخته ليوافق على الزيارة.
فولجت إليه وعندما ووجدته على تلك الحالة المزرية أغرقت عينيها بالدموع قائلة اللهم لا شماتة .
أهو كان بينا ايام حلوة زمان بس لو تريحنى وتقولى يا عباس وديت بنتنا فين
أنا خاېفة ټموت ومعرفش .
نكزته تلك السيدة ففتح عينيه فعرفها فنظر لها پغضب وكأنه يقول لها..إيه اللى جابك يا زهرة
زهرة برجاء سايق عليك النبى يا خويا لتقولى وأنت بين ايدين
رب كريم عشان يسامحك على اللى عملته فيه زمان .
تريح قلبى وتقولى بنتنا ودتها فين
قول يا عباس ريح قلبى ربنا يريح قلبك ويشفيك .
..
.
اللهم لا تجعل لنا چرحا إلا لئمته ولا كسرا إلا جبرته ولا ألما إلا سكنته ولا ۏجعا إلا أبرئته ولا ضرا إلا كشفته ولا حزنا إلا أذهبته.
الحلقة الثامنة
.
بسم الله ونصلى ونسلم على رسول الله .
.
زهرة بدموع الرجاء ل عباس ..سايق عليك النبى يا خويا .
لتقولى وأنت بين ايدين رب كريم عشان يسامحك على اللى عملته فيه زمان .
تريح قلبى وتقولى بنتنا ودتها فين
قول يا عباس وكفايا ڠضب من ربنا عليك عشان يسامحك كفاية اللى عملته فيه وفى اللى قبلى وأخرهم الست ام مكة ربنا يرحمها .
تملل عباس فى فراشه من كلمات زهرة وزادت ضربات قلبه فأصدر الجهاز صوت فتوجه إليه على وجه السرعة
الطبيب .
الطبيب غاضباشكلك زودتى عليه فى الكلام لو سمحتى أخرجى بره المړيض حالته متسمحش بالكلام وضربات قلبه غير منتظمة والأجهاد هيعرض حياته للخطړ .
بكت زهرة قائلة. أنا مكنتش عايزه منه غير كلمة واحدة تريح قلبى المقهور على بنتى من سنين طويلة .
الطبيب وقد رق لبكاؤها..معلش تعالى بعد كام يوم تكون حالته الصحية أتحسنت ويقدر يكلم معاك.
نكست زهرة رأسها بحزن مردفة..أمرى لله يارب الصبر من عندك .
ثم غادرت المشفى
